УИХ-ын Эдийн засгийн байнгын хороо 2019 оны намрын ээлжит чуулганы үйл ажиллагааны тайлангаа танилцууллаа.

Энэ талаар УИХ-ын гишүүн Ж.Ганбаатар “Намрын ээлжит чуулганаар нийт 20 удаа хуралдаж, 42 асуудлыг хэлэлцэж шийдвэрлэсэн. Мөн гурван хуулийн төсөл, УИХ-ын тогтоолын 9 төсөл, олон улсын гэрээ хэлэлцээр 6 шийдвэрлэж, нэгдсэн чуулганы хуралдаанаар хэлэлцүүлээ.

Мөн байнгын хорооны хуралдаанаар албан тушаалтныг томилох, чөлөөлөх таван асуудлыг хэлэлцэж, холбогдох санал дүгнэлт гаргасан. Байнгын хороогоор Эдийн засгийн бодлогын чиглэлээр Үндсэн хуулийн цэцийн 2019 оны IV тогтоолтой холбогдуулан Ашигт малтмалын тухай хуульд нэмэлт, өөрчлөлт оруулах болон уг хуулийг дагаж мөрдөх хуулийг боловсруулан батлууллаа. Ашигт малтмалын тухай хуульд ашигт малтмалын нөөц ашигласны давхардуулсан асуудлыг заасан тодорхой заалтгүйн улмаас Үндсэн хууль зөрчлсөн гэж үзэж тцс хуулийн зарим зүйл заалтыг хүчингүй болгосон.

Төрөөс мөнгөний бодлогын талаар 2020 онд баримтлах үндсэн чиглэлийг батлах тухай УИХ-ын тогтоолыг батлуулсан. 2020 оны мөнгөний бодлогын үндсэн зорилт нь эдийн засаг болон банк санхүүгийн тогтолцооны тогтвортой байдлыг бэхжүүлж, санхүүгийн зах зээлийн хөгжлийг дэмжихэд чиглэгдэх юм. Энэ хүрээнд эхрэглээний үнийн индексээр илэрхийлсэн инфляци найман хувь, дунд хугацаанд зургаан худвиар тогтворжуулна. Мөн банк санхүүгийн хууль эрх зүйн шинэчлэлийг үргэлжлүүлж, уг салбарын эрсдэл даах чадварыг нэмэгдүүлэх, олон нийтийн оролцоо, хяналт бий болгох зорилгоор хууль эрх зүйн орчин бий болгохоор зааасан.

Гуравдугаарт, Оюутолгой ордын ашиглалтад Монгол Улсын эрх ашгийг хамгаалах  тухай УИХ-ын тогтоолыг батлууллаа. Оюутолгойн ордыг ашиглах Хөрөнгө оруулалтын гэрээ болон холбогдох бусад гэрээ хэлцлүүдийн хэрэгжилтийг шалгасан санал дүгнэлтийг үндэслэн уг тогтоолыг боловсруулсан. Тогтоолоор Оюутолгойн ордыг ашиглах Хөрөнгө оруулалтын гэрээ болон холбогдох гэрээ хэлэлцээрийг хууль тогтоомжийн хүрээнд сайжруулах чиглэлээр цогц арга хэмжээ авах, орлын нөөцийн үнэлгээг дахин хийсэн. ТЭЗҮ боловсруулах, байгаль орчны болон усны нөхцөл байдлын үнэлгээг шинэчлэн хийлгэх УИХ-ын даргын 2018 оны 57 дугаар захирамжаар байгуулагдсан ажлын хэсгийн санал дүгнэлтийг хэрэгжүүлэхэд чиглэгдсэн цогц арга хэмжээ авах төслийг монголын талын төлөөллийн чадлыг бэхжүүлэх талаар Засгийн газарт даалгасан.

Дөрөвдүгээрт, Монголбанкны ерөнхийлөгчийг үүрэгт ажлаас нь чөлөөлөх, томилох тухай болон Санхүүгийн зохицуулах хороон даргыг үүрэгт ажлаас нь чөлөөлөх, томилох тухай, Санхүүгийн зохицуулах хорооны орон тооны гишүүдийг томилох тухай  асуудлыг тус тус хэлэлцсэн” гэлээ.

Ингээд сэтгүүлчдийн асуултад хариулт өглөө.

-Татвартай холбоотой асуудалдт та “Саарал жагсаалт”-аас гарах гээд аж ахуйн нэгжүүдийг шийтгэх гэж байна хэмээн шүүмжилж байсан. 300 сая төгрөгийн татвараа нуусан бол эрүүгийн хариуцлага тооцно. Хилийн хориг тогтооно гэсэн асуудал яригдаж байсан нь зөв үү?

-Татвар ногдуулах орлого биш шүү. 300 сая сая төгрөгийн татварын орлого нуусан бол гэхээр бүх аж ахуйн нэгж хамаарагдана. 1.5 тэрбум, 2.5 тэрбум төгрөгийн орлоготой бол жижиг дундын аж ахуйн нэгж. Тиймээс бүх аж ахуйн нэгж санаатай болон санамсаргүй орлогоо нуусан, ойлгомжгүй байдлаар тайлбарласан бол эрүүгийн хариуцлага хүлээлгэдэг заалт Их Хурал дээр унасан. Татвартай холбоотой асуудлаар хорино, цагдана гэдэг асуудал хоцрогдсон гэгийг эрх баригчид ойлгох ёстой. Угаасаа зах зээл нь шахаад гаргачихдаг юм.

-НӨАТ-ын буцаан олголтын хувийг нэмэгдүүлэх асуудлаар зарим гишүүд хуулийн төсөл өргөн барьсан. Энэ асуудал юу болсон бэ?

-УИХ-ын гишүүн Н.Оюундарь нарын гишүүдийн өргөн барьсан хуулийг төслийг хаврын чуулганаар хэлэлцэглэж эхлэх болов уу гэж бодож байна. Өнөөгийн нийгэм, эдийн засгийн байдалтай уялдуулж, хэдэн хувиар нэмэгдүүлэх эсэх нь гарах ёстой.

Б.Лхам