Шинэ төрлийн коронавирусний халдварын талаар мэргэжлийн байгууллагууд мэдээлэл хийлээ.

“Коронавирусний халдвар дэлхийн нийт 79 оронд бүртгэгдээд байна. Нийт 95424 хүн өвчилж, 3284 хүн нас барсан байна. БНСУ, Япон, Итали, Иран, Герман, Испани зэрэг улсуудад голомтлон тархаж байна.  БНСУ-д 438 шинэ халдвар бүртгэгдсэн” гэлээ.  

Эмнэлгийн тусламжийн газрын дарга Я.Буянжаргал “Өчигдөр Москва-Улаанбаатар чиглэлийн 07.15 цагийн нислэгээр нэг гэр бүлийн гурван хүн Итали улсаар дамжин түүхээ мэдэгдэхгүйгээр буусан байсан. Ингээд хууль хяналтын байгууллагатай хамтран ажиллаж, гэрийн хаягаар нь хайж олсон. Маш хариуцлагагүй үйлдэл байна. Дэлхийн 79 оронд халдвар гарсан. ДЭМБ-аас уг өвчин томуу өиш гэдгийг анхааруулж байгаа. Иргэн бүхний хариуцлага чухал байна. Нэгдүгээр сарын 9-нөөс хойш нийт 532 тохиолдлыг ажиглалтад аваад байна. Одооноор 469 тохиолдлыг тусгаарлан хяналтад авсан. Мөн 255 тохиолдлыг сэжигтэй тохиолдол гэж үзэн шинжилгээ хийсэн” гэлээ.

А.Сүх