УИХ-ын дарга Монгол банк, Санхүүгийн зохицуулах хороо, Үндэсний статистикийн хорооны дарга нартай уулзаж коронавирусний халдварын улмаас эдийн засгийн үзүүлж буй нөлөө, нөхцөл байдлын талаар ярилцлаа.

Энэ үеэр УИХ-ын дарга Г.Занданшатар “Улсын хүнсний аюулгүй байдлын нөөц бүрдүүлэх, жижиг, дунд бизнес эрхлэгчдийг бодлогоор дэмжих зэрэг саналуудыг тавилаа. Өнөөдрийн хурлыг МҮХАҮТ-аас зохион байгуулж байна. Өмнө нь тус танхимаас тавьсан саналын дийлэнх  нь шийдэгдсэн. Мөн түрээслэгч нартай уулзалт хийж жижиг, дунд үйлдвэрлэгчдийн түрээсийн төлбөрийг бууруулах талаар ярилцах гэж байгаад талархаж байна. Түүнчлэн Монголбанкнаас зээлийн хүү, бодлогын хүүг бууруулах болон эдийн засагт үзүүлж буй нөхцөл байдлын талаар мэдээлэл хийлээ.

Ч.Улаан сайд үнийн хөөрөгдөл, хомсдол үүсгэж байгаа иргэн, аж аухйн нэгжүүдтэй тэмцэж байгаа талаар бодитой арга хэмжээ авч байна.

Төрийн цахим үйлчилгээг шуурхай хэрэгжүүлэх хэрэгтэй байна. Үүнд төрийн автомат машин, цахим үйлчилгээг яаралтай хийх үүрэг өгье.

Эдийн засгийн байнгын хороо алт болон ноолуур хөтөлбөрийг дэмжиж ажиллах хэрэгтэй. Одоогоор төсвийн тодотгол хийх бололцоогүй. Эдийн засгийн нөхцөл байдалтайгаа уялдуулан хэлэлцэх ёстой. Хамгийн гол нь өвчнийг эрсдэлгүй давах нь бидний гол зорилго. Давагдашгүй хүчин зүйлийн нөлөөлийн улмаас зээлийн хүү, үндсэн төлбөрийн нэмэлт төлбөрийг хөнгөлөх, чөлөөлөх, бүтцийн асуудлаар Монголбанк ажиллах шаардлагатай. Бодлогын хүүг бууруулах замаар зээлийн хүүг бууруулах, томоохон хадгаламжийн хүүг бууруулах замаар зээлийн эрсдэлийг бууруулах хэрэгтэй. Товчхондоо эв санааны нэгдлийн замаар шийдвэрлэгдэнэ. Ойрын хугацаанд энэ талаар дорвитой ажиллах хэрэгтэй байна.

Мөн холбогдох байгууллагуудаас гаргасан бодлого шийдвэрийн биелэлтэд хяналт тавих хэрэгтэй” гэлээ.

Б.Лхам