Гурван сарын өмнө хилийн дээс алхсан экс Ерөнхийлөгч Ц.Элбэгдорж олон улсын хурал чуулганд оролцож яваа гэж мэдэгдээд байсан. Оролцох ёстой байсан зарим хурал чуулган нь хойшлогдсон учир тусгай үүргийн онгоцоор нутагтаа ирэх хүсэлтэй байгаагаа цахим хуудсаараа дамжуулан илэрхийлээд байсан тэрбээр начир дээрээ нутаг руугаа их яарахгүй байгаа бололтой. Үүнийг нь БНСУ дахь Элчин сайдын яаманд хүсэлт гаргаагүй үйлдлээс тодхон харж болохоор.

Тэгвэл түүний талаарх таагүй мэдээг олон улсын байгууллагад хүргэсэн гэж тэрбээр жиргэжээ.

Тодруулбал,  "Намайг олон улсын байгуулагад хэд хэд матжээ. Дарангуйлагч, алуурчин, талуурчин гээд. CD, flash, зураг. Бүгд гүтгэлэг, кино, эвлүүлэг. Эзэн, эх сурвалж нь танил. Ийм юм манайд ирлээ гээд над руу зарим нь явуулжээ. Шуудан, email-ээр. Матаач, долоогчид хаа газар онигооны байх юм" гэж жиргэсэн байна.

      Түүнийг ингэж хатаж, голлох шалтаг шалтгаантай хүн Монголоор нэг бий. Гэхдээ чухам тэр хүн хэн бэ, тэр дундаа Ц.Элбэгдоржийн таньдаг хүн гэхээр нэг танхимд төр барилцаж явсан АН-ын экс найзууд нь уу эс бөгөөс түүнтэй "дайн" зарлахааа мэдэгдээд байгаа МАН-ын акулууд уу. 

       Юутай ч, түүнийг ховлож, хатаж явдаг нэг биш нэлээд хэдэн хүн байдаг бололтой. Эндээс үзвэл, Ц.Элбэгдорж сонгуулиас өмнө Монголд ирвэл ирнэ, ирэхгүй бол харьд "урвасан" улстөрчдийн нэг болж магадгүй юм.

Г.Маргад