Засгийн газрын өнөөдрийн хуралдаанаар зээлийн үндсэн өр төлөх хугацааг 90 хоногоор сунгахаар болсон. Ингэхдээ ямар нэгэн хүү, торгууль бодохгүй, чанаргүй зээлийн ангиалал шилихгүй байх зохицуулалт авч хэрэгжүүлэх болсон. Энэ шийдвэр нь арилжааны банк болон банк бус санхүүгийн байгууллагаас авсан хэрэглээний зээлд хамаарна гэдгийг Сангийн сайд Ч.Хүрэлбаатар болон бусад албаны хүмүүс танилцууллаа.
Энэ талаар Монголбанкны Ерөнхийлөгч Лхагвасүрэн "Монгол Улсын санхүүгийн тогтвортой байдлын зөвлөл энэ сарын 17-нд хуралдаж, шийдвэр гаргасан. Уг зөвлөлд Сангийн сайд, Монголбанкны Ерөнхийлөгч, Санхүүгийн зохицуулах хорооны дарга, Хадгаламжийн даатгалын корпорацийн дарга гэсэн дөрвөн хүний бүрэлдэхүүнтэй байдаг.
Олон иргэн, ах ахуйн нэгж арилжааны банкуудад хандсан. Боломжит хувилбарыг ярилцсан. Арилжааны банкуудад 1000 гаруй аж ахуйн нэгж, иргэдээс 1.5 их наяд төгрөгийн зээлтэй холбоотой хүсэлт гаргасан байна. Энэ хүрээнд зохицуулалт хийх боломжтойг судалж, бидэнд саналаа ирүүлсэн. Үүнд, банкууд холбогдох журмаа харгалзан үзээд хөнгөлөлт, зөөллөх боломж байна гэж үзснээ бидэнд уламжилсан.
Нэгдүгээр сарын 20-ноос хойшхи нийт зээлийг судалж үзсэн. Үүний нийт 90 орчим хувь нь хэрэглээний зээл байна. Жишээлбэл, ипотек, тэтгэвэр, цалин барьцаалсан зэрэг хэрэглээний зээл эзэлж байна. Судалж үзээд 90 хоногийн хугацаанд зээлийн үндсэн өр, хүү төлөхгүй байх боломжийг олгож байна.
Жишээлбэл, 20 жилээр авсан орон сууцны зээл төлөх хугацаа 3 сараар хойш сунгагдана гэсэн үг. Гурвсан сарын хугацаанд хүүгийн алданги тооцохгүй, зээлийн ангиалал шилжихгүй. Мэдээж банкууд алдагдал хүлээнэ. Гэхдээ үүнийг зохицуулалтын хувьд зөөллөж өгсөн учир банкууд ачаалал харьцангуй бага байна.
Монгол банкны хувьд бүх шийдвэрээ Засгийн газартай харилцан ярилцаж байж гаргахаар төлөвлөж байна. Банкны системд 18 их наяд төгрөгийн зээл бий. Судалгаагаар хүсэлт гаргасан нь 1000 гаруй иргэн, аж ахуйн нэгж бий. Дүн нь 1.5 их наяд төгрөг. Дээрх 18 их наяд төгрөгийн зээлийн 65 хувь нь аж ахуйн нэгжийн зээл.
Мөн өндөржүүлсэн бэлэн байдалд шилжсэнээс эхлээд зээлээ төлж чадаагүй иргэн, аж ахуйн нэгжийн зээлийн ангилалыг бууруулахгүй" гэлээ.
Г.Маргад
Сэтгэгдэл (2)