АН-ын зөвлөлөөс тодорхой хуулийн төслийг Засгийн газарт хүргүүлсэн. Хуулиараа Засгийн газраас зөвшөөрөл авч байж УИХ-аар хэлэлцүүлдэг. хуулийн төслийг хүргүүлснээс хойш хоёр хоног өнгөрлөө. Ямар нэг хариу ирээгүй байна. Шинэ төрлийн коронавирус дэгдсэн нөхцөл байдал үүссэнтэй холбогдуулан Ерөнхий сайдад дөрвөн шаардлага хүргүүлж байна.
Улс оронд улс төр биш үндэсний аюулгүй байдал чухал байгааг хаана хаанаа ойлгох хэрэгтэй байна. Мөн халдварын энэ цаг үед иргэдийн орлогыг хаахгүй байх ёстой. Тиймээс эдийн засгийн нөхцөл байдлыг бодитоор харах ёстой.
АНУ гэхэд 1.2 их наяд ам.долларын багц бүхий тусгай хөтөлбөр эхлүүлэхээр боллоо. БНСУ 11.1 их наяд вонын төсөв тусгайлан баталсан. Франц улс 355 тэрбум ам.доллартай дүйцэхүйц зээл гаргасан бол Засгийн газраас иргэдийн татвар, шимтгэлээс чөлөөлөх арга хэмжээ авахаар ажиллаж байна.
Япон 12 их наяд ам.долларын үнэт цаас гаргаж, жижиг дунд үйлдвэрлэлээ тасралтгүй явуулах чиглэлд анхаарч байна.
Манай улсын хувьд Улсын онцгой комисс ажиллаж байна. Гэхдээ хууль эрх зүйн хүрээнд зарим арга хэмжээ авах боломж хумигдмал байна уу гэж харагдаж байна. Тиймээс ерөнхий сайд ажлаа хийж эхлэх хэрэгтэй. Өнөөдөр Гамшгийн эрсдэлээс хамгаалах үндэсний зөвлөлөө яаралтай байгуулах хэрэгтэй байна. Улсын онцгой комисс хуулийн хүрээнд хэрэгжүүлэх боломжгүй шийдвэрийг энэ зөвлөл хийх ёстой. Зөвлөлийг Ерөнхий сайд ахлах ёстой.
Төсөв тодотгол хийхгүй энэ хэвээрээ явбал 200 гаруй мянган ажлын байр алдах эрсдэлтэй байна. Тухайлбал, улсын төсвийн нийт орлогын хэмжээ хоёрдугаар сарын гүйцэтгэлээс харахад 9.6 тэрбум төгрөг буюу 11 хувиар тасалдах эрсдэл тулгамдлаа. Бид үүнийг анхаарах ёстой.
Дараагийн асуудал нь нийт зарлага, эргэн төлөгдөх хэмжээ 42.7 хувиар өссөн. Гадаад худалдаа, барааны эргэлт 410.4 сая ам.доллараар тасалдах нөхцөл үүслээ.
Тиймээс эдийн засгийг хамгаалах тусгай хөтөлбөр яаралтай боловсруулах, Монголбанктай хамтарч хэрэглээний багцын хумилтын эсрэг арга хэмжээ авах төлөвлөгөө боловсруулж, УИХ-аар оруулах ёстой. гэлээ.
Сэтгэгдэл (4)