Боловсрол, соёл, шинжлэх ухаан, спортын сайд Ё.Баатарбилэг 12 дугаар ангийн сурагчдад ЭЕШ-д бэлдэх CD тараана хэмээн мэдэгдсэн нь шүүмжлэлд өртөөд байгаа билээ. Үүнтэй холбоотойгоор тэрбээр тайлбар хийжээ.
Уг тайлбарт “12 дугаар ангийн хүүхдүүд энэ жил хамгийн хүндрэлтэй нөхцөлд ЭЕШ-д бэлдэж орох болж байна. Малчдын хүүхдүүд гэртээ харьсан байна Алслагдсан бүс нутгуудад, интернэтгүй орчинд олон мянган хүүхэд сурч амьдарч байгаа. Малчид маань гэртээ СD, DVD тоглуулагчтай байх нь элбэг. Сумын төвд интернетийн хурд, төлбөр гээд олон бэрхшээл байдаг. Бүх хүүхэд ухаалаг гар утас хэрэглэх боломж хомс. Амьдрал баян. Бид программ зохион бүтээж, ашиглаж оруулахаар ажиллаж байна. Мэдээж хугацаа орох нь ойлгомжтой. Цаг алдалгүй богино хугацаанд хүүхдүүддээ туслах материалыг хүргэх шаардлага үүсээд байна. Хот суурин газарт сайтаас, нүүр ном, пэйж хуудсаас, интернэтээс үзэх боломжийг нэмэгдүүлж байна. Бүх боломжийг ашиглаж, хүүхэд бүрт ижил боломж олгохоор ажиллаж байна.
Монгол Улсын хэмжээний асуудлыг Улаанбаатар хотын хэмжээгээр бүү сэтгээсэй гэж хүсч байна. Зарим нэр хүндтэй нийтлэлч, олны танил хүмүүс хүртэл өрөөсгөл ойлгож байгаад харамсаж байна. Хөрөнгө мөнгөтэй, баян чинээлэг, боломж сайтай хүмүүс бол СD, DVD уншигчтай компьютер хэрэглэхээ болиод удсан байх.
Жич: Манай улсын хэмжээнд бүх ЕБС-ын суурин компьютерууд, багш нарын маань хэрэглэж байгаа нөүтбүүкүүд СD уншдаг. Манай яамны бүх компьютер бас адил. (шинэчилж чадаагүй) хэвээр л байна. Цэцэрлэгийн багш нар маань компьютер ч байхгүй байна. "Ковид19" бидэнд шинэ сорилт тулгаж байна. Уучлаарай. Гүтгэсэн, харлуулсан, улстөржүүлсэн, муулсан болгонд тайлбарлах, залруулах, сөрөх зав зай бидэнд үнэндээ алга.” гэжээ.
С.Сүлд
Сэтгэгдэл (11)