Улсын онцгой комиссоос гаргасан шийдвэрийг албаны хүмүүс танилцуулсан. Тодруулбал, 250-хан нутаг нэгтнээ авчрахад гурван иргэн халдвартай байна. Гэтэл дэлхийн улс орнуудад 200 гарй мянган Монолг бий. Тэдний нөхцөл байдал ямар байгааг мэдэх юм алга. Тиймээс тусгай үүргийн онгоц хэзээ нисгэхээ харзнах хэрэгтэй байна гэсэн юм.
Үүнтэй холбогдуулан сэтгүүлчдийн асуусан асуултад Шадар сайд Ө.Энхтүвшин болон бусад холбогдох албаныхан хариуллаа.
-Онц дэглэмийн хугацаа сунгахаар эдийн засагтай холбоотой зарим арга хэмжээ авах шаардлага гарах уу. Засгийн газар хэзээ хуралдах бэ?
-Ийм асуудал үүснэ. Төсөв санхүүтэй холбоотой хүндрэлийг хэрхэн даван туулах талаар ярилцана. 4-5 удаа ярилцсан. Монголбанкны Ерөнхийлөгчтэй хамт хуралдаж, шийдвэр гарсан. Засгийн газар ирэх долоо хоногт хуралдах байх. Төмөр, жонс, зэсийн баяжмалаа экспортолж байна. Хилийн боомтоор контейнер тээвэр хэвийн явж байна. Ирэх долоо хоногоос Гашуун сухайтын боомтоор контейнерийн тээвэрлэлт эхлэнэ. Нарийн хяналт тавьж ажиллана.
-Итали дахь иргэд гадуурхалд өртөж байгаа мэдээлэл бий. Хэчнээн иргэн амьдардаг юм бэ?
-Ийм мэдээлэл ирсэн. 300 орчим иргэн амьдардаг гэсэн мэдээлэл бий. Зөвхөн Итали гэлтгүй, Энэтхэг, Америк дахь оюутнууд дараагийн нислэг хэзээ үйлдэх бэ гэж асууж байна. Зөвхөн Азиудыг гадуурхсан юм биш. Өөрсдөд нь хэцүү байгаа. Эмнэлэгт нь ор хүрэлцэхгүй байна. Бүх үйлчилгээ зогссон. Гадныханд үйлчлэх байдал хүнд байдалд байгаа гэдгийг Гадаад харилцааны яамаар дамжуулан мэдээлж байна. Тиймээс 14 хоногийн дараагаас хаана байгаа иргэдээ авчрах бэ гэдгийг тодорхойлох байх.
-Гадаадад байхдаа халдвар авсан иргэдийн маршрутыг тогтоосон уу.
-Оршин сууж байсан газартаа ойрын харьцаанд байсан хүмүүст Элчин сайдын яамдаар дамжуулж анхааруулсан. Тусгай үүргийн онгоцоор иргэдийг авчрахдаа маш сайн хяналт дор авчирсан. Хооронд нь харилцуулаагүй. Ирэнгүүт нь тусгаарласан.
-Төлбөртэй сургуулиудын төлбөрийн асуудлыг хэрхэн зохицуулах бэ?
-Төлбөртэй гэлтгүй төрийн өмчит сургуулиадад ч хүндэрлтэй байна. Энэ асуудлаар Засгийн хуралдаанаар хуралдана.
-ЕБС-ийн сурагчдад шалгалтын материалыг CD-гээр тараана гэсэн байсан. Энэ хэр боломжтой шийдвэр бэ. Мөн нэгдүгээр ангийн теле хичээлийг чанаргүй байна гэдэг зүйл яригдаж байна?
-Теле хичээлтэй холбоотой санал яаманд олон ирж байгаа. Гэхдээ эерэг талын сэтгэгдэл олонх нь. Тиймээс асран хамгаалагч нар өөрсдөө идэвхтэй байх ёстой. Залуу багш нар тэргүүлэх багш нарын теле хичээлийг үзээдл туршлага хуримтлуулж байна гэдгийг илэрхийлсэн. Зургаан настай хүүхдүүд суралцах арга барилд бүрэн суралцаагүй байдаг. Тиймээс эцэг, эхчүүд идэвх зүтгэлтэй баймаар байна.
Мөн 12 дугаар ангийн 28 мянган хүүхэд энэ жил төгсөнө. Тэдгээрийн олонх нь хөдөө сум, багийн төв эсвэл хөдөө байна. Энэ хүүхдүүдэд ЭЕШ-ын материалыг CD-гээр маш хурдан тараахаар ярилцаж байна. Интернэттэй газарт нь интернэтээ ашигла. Ийм боломжгүй нь CD-гээр материалаа аваг ээ. Контент бэлтгэдэг компаниудтай хамтарч ажиллаж байна. Боловсролын үнэлгээний төвд программ бичиж байна. Тийм болохоор ийм хүндрэлтэй нөхцөлд мушгин гуйвуулж, улс төржүүлсэн мэдээллийг битгий түгээгээч ээ.
-
-
