УИХ-ын сонгуулийг хойшлуулах Ерөнхийлөгчийн гаргасан уриалгын талаар ХҮН-аас мэдээлэл хийлээ.
Тэдний зүгээс “ХҮН-аас хоёрдугаар сарын 12-нд эдийн засгийн хямралыг даван туулах зөвлөмж гаргаж, хүргүүлсэн. Хариу ирээгүй учраас гуравдугаар сарын 16-нд илүү нарийвчилж хямралыг хэрхэн даван туулах талаар иж бүрэн төлөвлөгөө гаргаж УИХ, Засгийн газарт мэдэгдэл хүргэсэн. Мөн л хариу ирээгүй. Тиймээс улсын төсвийг яаралтай тодотгож, хэрэггүй хөрөнгө оруулалтыг хасах, хэмнэсэн мөнгийг ЖДҮ эрхлэгчдэд зарцуулах хэрэгтэй байна.
Үүссэн нөхцөл байдалтай холбогдуулан Сангийн сайд, Эрүүл мэндийн сайд нар мэдэгдэл хийгээд байгаагаас биш Ерөнхий сайд өөрөө ганц ч удаа төлөвлөгөө ярьсангүй. Улсыг хариуцаж байгаа хүний хувьд нэг ч санал гаргасангүй. Ерөнхий сайд өөрийнхөө ажлыг хиймээр байна. Энэ ажлаа хийхгүй болохоор Ерөнхийлөгч санал гаргаад байна.
Хоёрдугаарт, сонгуулийг төсөв хэмнэх зорилгоор хойшлуулах санал гаргалаа. Үндсэн хуультай, ардчилсан тогтолцоотой, төр засагтай Монгол Улсын хувьд байж болохгүй асуудал. Аль ч тохиолдолд УИХ-ын сонгуулийг хугацаанд нь товлох шаардлагатай. Сонгуулийг өмнөх шигээ хүн бужигнуулаад, зардал үрээд байх шаардлагагүй. Цахим технологи ашиглан бага зардлаар сонгууль хийх шийдэл байна. Тиймэс ямар нэг улстөрийн шалтгаанаар хойшлуулж болохгүй” гэлээ.
А.Сүх
Сэтгэгдэл (8)