"Covid-19-ийн үеийн нөхцөл байдал, ЭЕШ угтсан зохион байгуулалт"-ын талаар мэдээлэл БСШУСЯ-аас хийлээ.
Мэдээллийн эхэнд Ё.Баатарбилэг “Өнөөдрийн байдлаар дэлхийн 188 оронд цэцэрлэг, сургуулиа бүрэн зогсоосон байна. Зарим газрууд цахим хэлбэрээр хичээлийн үйл ажиллагаа оруулж байна. Манай улс коронавирусний цар тахалтай холбогдуулан хичээлийн үйл ажиллагаа хэрхэн явуулж байгаа болон туршлагыг ЮНЕСКО-ийн гишүүн орнуудад таниулах, түгээхээр болсон.
Өндөржүүлсэн бэлэн байдал зарласнаас хойш өнөөдрийн байдлаар 65 хоног хичээлийн үйл ажиллагаа тасарсан байна. Танхимын хичээлийн сургалт 10-11 долоо хоног тасарсан байна. Дэлхийн бусад орнуудын жишгээр энэ хугацаанд теле болон цахим сургалтаар хичээлээ оруулж байна. Энэ сарын 30-ныг хүртэлх хугацаанд 3250 цагийн теле хичээл бэлтгэж хүргэнэ. Теле хичээл, багш нарын ур чадвартай холбогдуулан иргэд сайшаалтай хандаж, ойлгож байна. Нөгөөтээгүүр, эцэг эхчүүд болон хүүхдүүдийн хооронд шинэ харилцаа үүсэж байгааг багш нар хэлж байна. Өмнө нь эцэг эхчүүд зайнаас хүүхдүүдтэйгээ харьцдаг байсан. Эцэг эхчүүд хүүхдүүдийг сургахад ямар их хичээл зүтгэл шаардлагатай байдгийг мэдэж байгаа байх гэж багш нар хэлсэн" гэлээ.
Б.Лхам
Сэтгэгдэл (2)