УИХ-ын хаврын ээлжит чуулган эхэллээ. Чуулганаар УИХ-ын Дэгийн тухай хуульд нэмэлт, өөрчлөлт оруулах мөн Засгийн газраас гаргасан эдийн засгийг идэхвжүүлэх багц арга хэмжээний анхны төслийн хэлэлцүүлгийг хийж байна. Өнөөдрийн хуралдаанд ирвэл зохих 74 гишүүнээс 50 нь ирсэн байна. Чуулганд ирээгүй гишүүдээс тав нь эмнэлгийн магадлалаар чөлөөтэй бон хөл хорионд тусгаарлагдсан, хоёр нь орон нутгийн томилолттой. Харин 10 нь шалтгаангүй тасалсан байна. Ингээд гишүүд үг хэлж асуулт асуусан юм.  

Б.Бат-Эрдэнэ: Аюултай өвчин тахлыг барьж тогтоож байгаа гол үндэс нь хөл хорио. Зайтай суусан гишүүд маск зүүсэн байх ёстой юм уу, авч болох юм уу. Эрүүл мэндийн сайд мэдээлэл өг. Зарим нь хамар нь ил гарчихсан. Зарим нь маскаа аваад сууж байна. Өдөржин маск зүүх амаргүй. Зүүх шаардлагатай юм бол маскаа зүүх хэрэгтэй.  

С.Бямбацогт: Маск зүүгээгүй гэж шүүмжилж магадгүй. Вирус устгадаг хамгаалалтын масктай байгаа шүү. Зөвөөр ойлгоорой. Б.Бат-Эрдэнэ гишүүн чухал санал гаргасан. Гаргасан саналын дагуу зарчмын зөрүүтэй саналд оруулж, байнгын хороогоор дэмжигдсэн. Онцгой нөхцөл байдал үүссэн үед гишүүд товлосон цагтаа хурлаа хийх ёстой. Хүндэтгэх шалтгаангүй чуулганы хуралдаанаас хоцорвол тухайн асуудлаар үг хэлэх эрхийг нь хасдаг байх заалт орж ирсэн. Хууль санаачлахдаа 30 хоногийн дотор санал авдаг байсан бол шуурхай байдлаар гурав хоногийн дотор санал авахаар оруулж ирсэн. Гишүүдийн асуулт асуух хугацааг хоёр минут, үг хэлэх хугацааг гурван минут байх зэргээр тусгаж өгсөн.

Б.Бат-Эрдэнэ: Хуралдаа огт ирдэггүй нөхдүүд бий. Эдгээрт ямар хариуцлага өгөх юм бэ. Хоёрдугаарт, Д.Сарангэрэл сайдаас нэгдсэн журам, стандартын тухай ойлгомжтой хариулт авмаар байна.

Б.Лхам