УИХ-ын хаврын ээлжит чуулган эхэллээ. Чуулганаар УИХ-ын Дэгийн тухай хуульд нэмэлт, өөрчлөлт оруулах мөн Засгийн газраас гаргасан эдийн засгийг идэхвжүүлэх багц арга хэмжээний анхны төслийн хэлэлцүүлгийг хийж байна. Ингээд гишүүд үг хэлж асуулт асуусан юм.
Д.Эрдэнэбат: Хууль тогтоомжийн тухай хуульд нэмэлт, өөрчлөлт оруулах тухай хуульд зарим өөрчлөлт орсон. Миний ерөнхий санал орж байна гэж хараад байгаа юм. Чуулганы хуралдаан пүрэв, баасан гарагт гэж хуульчилсан байдаг. Хэрэв онцгой нөхцөл байдал үүсээд амралтын өдрөөр хуралдах шаардлага гарвал энэ Дэгийн тухай хуулийн нэмэлт, өөрчлөлт зохицуулж чадах уу. Мөн Их Хурлын гишүүдийн ирц хүрэхгүй тохиолдолд яаж зохицуулах вэ. Цар тахлын үед ирц хүрэхгүй үүсч болно шүү дээ.
С.Бямбацогт: Хуулийн төслийн 21.11 дэх хэсэгт ийм нөхцөл байдал үүссэн үед саналаа гурав хоногийн дотор өглөг байя гэж зохицуулсан. Шаардлагатай үед амралтын өдрөөр хуралдаж болох зохицуулалтыг нэмж оруулахаар хуулийн төсөлд тусгаж байгаа. Мөн танхимд сууж байгаа 19 гишүүний нэг нь халдвар авлаа гэхэд танхимаараа тусгаарлагдана. Тиймээс хэрэв ирц хүрэхгүй бол яах вэ гэдгийг арай зохицуулж чадаагүй байна.
Б.Лхам
