УИХ-ын хаврын ээлжит чуулган эхэллээ. Чуулганаар УИХ-ын Дэгийн тухай хуульд нэмэлт, өөрчлөлт оруулах мөн Засгийн газраас гаргасан эдийн засгийг идэхвжүүлэх багц арга хэмжээний анхны төслийн хэлэлцүүлгийг хийж байна. Ингээд гишүүд үг хэлж асуулт асуусан юм.  

М.Оюунчимэг: Сүүлийн жил хагасын хугацаанд УИХ-ын гишүүд ирц болон хэлэлцэх асуудалд хариуцлагатай хандаж байгаа нь харагдаж байна. Иргэдтэйгээ уулзаж байхад ч энэ зүйлийг хэлж байна. Тиймээс УИХ-ын дарга аа, энэ талаар ярьж хэлэхдээ анхааралтай хандаж, гишүүдийн дунд үг хаяж хавтгайруулмааргүй байна. Үнэхээр сайн байгаа нэгнийгээ сайн, ирэхгүй байгаа гишүүдийг нь нэрээр нь зарла. 

Мөн шаардлагатай тохиолдолд амралтын өдрөөр хуралдуулж болох зохицуулалтыг хийх хэрэгтэй. Онцгой нөхцөл байдалд нийт гишүүдийн үгийг биш тухайн бүлгийн гишүүдэд нь ахиу цаг өгч төлөөлөн үг хэлдэг байх нь зөв.

С.Бямбацогт: Шаардлагатай үед хуралдах боломжийг нь нээж өгч байгаа. Онцгой нөхцөл байдал үүссэн үед чуулган амратын өдрөөр хуралдах боломж нээлттэй. Харин онцгой нөхцөлд нам эвслийн бүлгүүд  байр сууриа нэгтгээд илэрхийлье гэсэн тохиолдолд хялбаршуулсан журмыг нээж өгсөн байгаа.   

Д.Эрдэнэбат: Тооллогыг ингэж хийхээ болъё. Хэддүгээр зуунд амьдраад байгаа юм бэ. Дардаг кноп нь бэлэн байна. Үүнийгээ холбоход л болно. Сампин тоолж байгаа биш.

Б.Лхам