УИХ-ын хаврын чуулганы үдээс хойшхи хуралдаанаар Аудитын тухай хуульд нэмэлт, өөрчлөлт оруулах хуулийн төслийн талаар хэлэлцэж байна. Энэ үеэр гишүүд үг хэлж, асуулт асуусан юм. 

О.Баасанхүү: Аудит гэдэг хөндлөнгийн дүгнэлт гаргадаг, хэнээс ч хараат бус байх ёстой байгууллагаг. Харамсалтай нь, Аудитаас гаргасан дүгнэлтийг хуулийн байгууллаг авч хэлэлцдэггүй. Төрийн аудитын дүгнэлт эцсийн баймаар байна. Энэ дүгнэлтээр заавал эрүүгийн зөрчил илрүүлж байгаа юм биш. АТГ Аудитын газраас илүү нөлөөтэй болчихсон юм уу, төрийн байгууллагад зөвлөгөө өгөөд байх юм. Үүнийгээ болимоор байна. Аудит нь урьдчилан сэргийлж, таслан сэргийлмээр байна. Хөндлөнгийн аудит гэдгийг баталгаажуулахын тулд тодорхой хамгаалалт өгөх хэрэгтэй. АТГ-ын мөрдөн байцаагч нар 10 дугаар ангийн тоо бодож чадахгүй байж 10 триллион тоо ярьж суух юм.

С.Бямбацогт: Аудитын тухай хуульд олон удаа өөрчлөлт орж байсан. Аудитын байгууллага нь Үндсэн хуулиар эрх, үүрэгтэй байгаад байтал итгэхгүй хувийн хяналтын байгууллагаар дүгнэлт гаргах нь зохимжгүй. Энэ асуудлыг хуульд нэлээд сайн оруулж өгсөн. Хуулийн 21, 22, 23 дүгээр зүйлд Аудитын байгууллагын заавал биелэгдэх заалтыг оруулсан. Тухайлбал, гэмт хэргийн шинжтэй нөхцөл байдал илэрсэн тохиолдолд холбогдох байгууллагад нь хандаж эрүүгийн хэрэг үүсгэж болдог болсон. Өмнө нь ийм заалт байгаагүй. Мөн Аудитын байгууллага хөндлөнгийн шинжээч нарыг оруулж болох бөгөөд тухайн зохицуулалтыг зааж өгсөн.

О.Баасанхүү: Дагалдах хуульд тухайлбал, Эрүүгийн хэргийн хянан шийдвэрлэх тухай хуульд өөрчлөлт орохгүй байгааг асуумаар байна.

Б.Лхам