Засгийн газрын Хэвлэл мэдээлэл, олон нийттэй харилцах хэлтсийн дарга Ц.Ганзориг хичээл сургуулийн үйл ажиллагаатай холбоотой зарим асуудлаар мэдээлэл хийлээ.
Тэрбээр "Хичээл сургуулийн үйл ажиллагааг сунгасантай холбогдуулан сурагчид улирах асуудал гарах юм биз гэсэн болгоомжлол эцэг эхчүүдийн дунд байна. Энэ бүх эрсдэлийг БСШУСЯ тооцож, судалгаа гаргаж байна. Нэмж хэлэхэд сурагчид дахин улирах нөхцөл байдал үүсэхгүй. Мөн хувийн цэцэрлэг, сургуульд суралцдаг хүүхдүүд бий. Эдгээр хүүхдүүд бүтэн жилийнхээ төлбөрийг төлчихсөн байгаа. Үүнтэй холбогдуулан сургалтын төлбөрийг зөрүүг яах вэ гэсэн асуулт их ирж байна. Салбарын яамнаас уг төлбөрийг ирэх оных нь сургалтын төлбөрт нь шилжүүлэх талаар тооцоо хийсэн. Хүлээгдэж байгаа зүйл нь НДШ, эдийн засгийн арга хэмжээтэй холбогдуулан хүлээгдэж байна. Есдүгээр сарын 1 хүртэл хичээл сургуулийн үйл ажиллагаа явагдахгүй байх зэрэг асуудлыг нэн даруй бэлтгэж, олон нийтэд зарлахыг Ерөнхий сайд чиглэл өгсөн. Өнөөдөр УОК-оор хэлэлцээгүй шалтгаан нь төгсөх ангийн сурагчидтай холбоотой зарим бэлтгэл ажил хангагдаагүйтэй холбоотой" гэлээ.
Б.Лхам
Сэтгэгдэл (5)