Зүүн Азийн ХАА-н байгууллагуудын Дээд хэмжээний 22 дах удаагийн уулзалт болох гэж байна.
Энэхүү уулзалт энэ сарын  10-12-ны өдрүүдэд Гадаад харилцааны яаманд болно. Уулзалтад гишүүн 5 орны 14 төлөөлөгчид, Монголын хоршооллын байгууллагыг төлөөлж  5 төлөөлөгч оролцох ба урилгаар, ажиглагчаар нийт 50 гаруй  хүн оролцох гэнэ. Хуралд "Ирэх 10 жилд Азид тулгарах сорилтууд” гэсэн сэдвийн дор чуулах юм байна. Тэд Азид Хоршооллын хөгжил ирэх 10 жилд  тулгарч болох сорилтуудыг тодорхойлж, түүнийг даван туулах арга замыг хэлэлцэн батлах гэнэ. Мөн зөвлөлийн гишүүн байгууллагын хамтарсан тунхаг бичиг гаргах аж.

Зүүн Азийн ХАА-н байгууллагуудын зөвлөл нь анх 1989 онд Солонгос, Япон зэрэг орны ХАА-н хоршоодын Төв холбоодын санаачилгаар үүсгэн байгуулагдсан олон улсын зөвлөл юм.  Манай холбоо 1997 онд тус байгууллагын 4 дэх гишүүн болон элссэн бөгөөд одоогоор Япон, Солонгос, Тайван, Монгол, Энэтхэг зэрэг орнуудын ХАА-н хоршоодын байгууллагууд хамрагдаад байна.