Нийслэлийн Засаг дарга бөгөөд Улаанбаатар хотын захирагч С.Амарсайхан цаг үеийн асуудлаар мэдээлэл хийж байна. Тэрбээр "Сүүлийн үед иргэдийн хөл хөдөлгөөн нэмэгдэж байна. Зарим иргэд "Дотооддоо вирусний халдвар гараагүй юм чинь хязгаарлалтаа зогсоо. Заалаа нээ, фитнесээ нээ" гэсэн хүсэлт их ирж байна. Гэвч ирэх сарын дуустад конавирусний дэгдэлтийн оргил үе байх талаар ДЭМБ-аас анхааруулж байна. Гадаа гараад салхилах бүрэн боломжтой. Гэхдээ хувийн ариун цэврийг сайтар сахих хэрэгтэй. Эцэг, эхчүүд хүүхдүүддээ анхаарал хандуулах хэрэгтэй байна. Үр хүүхдүүд чинь амны хаалт зүүхгүйгээр явж. Тиймээс үүнд анхаараарай. 

Түүчнлэн гал түймрээс урьдчилан сэргийлэх хэрэгтэй байна. Шар өвс шатаах гэж байгаад бусдын эд хөрөнгөд хохирол учруулах нь олширлоо. Сүүлийн тав хоногт 56 удаагийн өнжмөл өвсний гал түймэр гарсан байна. Энэ тоолонд төрөөс зардал гарч дагаад энгийн иргэдийг эрсдэлд оруулж байна. Үүнийг анхаарах хэрэгтэй байна. 

Тун удахгүй нүүдлийн шувууд ирнэ. Вирус тээсэн шувууд ирэх магадлал өндөр. Тиймээс иргэн таны ухамсараас нийгмийн эрүүл мэнд, улсын аюулгүй байдал шалтгаална шүү" гэлээ. 

Мөн автомашиныг улсын дугаараар явуулах талаар мэдээлэл цацагдсан. Энэ асуудалд УОК-ын шуурхай штабаас аймаг, нийслэлийн Засаг дарга нарт ийм санал хүргүүлсэн. Судалж байна. Гэхдээ хотын удирдлагаас аль болох хувийн автомашинаар зорчуулах сонирхолтой байна. Онцгой нөхцөл байдал үүсээгүй байхад дугаарын хязгаарлалт үйлчлэхгүй" гэв.