УОК-оос гаргасан шийдвэрийн талаар БСШУС-ын сайд Ё.Баатарбилэг мэдээлэл хийлээ.

Тэрбээр "Дэлхийн 192 оронд хичээл сургуулийн үйл ажиллагааг зогсоож, хөл хорио тогтоосон байна. УОК-оос хичээлийн үйл ажиллагааг есдүгээр сарын 1 хүртэл зогсоолоо. Гэхдээ зургадугаар сарын 1 хүртэл теле хичээл үргэлжилнэ. ЕБС-ийн сурагчдын жилийн эцсийн дүнг хоёрдугаар улирлын дүнгээр тооцож гаргах бөгөөд анги дэвшүүлнэ.

Мөн хавар зохион байгуулагддаг цэцэрлэг, сургуулийн бүртгэлийг наймдугаар сарын хоёрдугаар хагас хүртэл хойшлуулна. Үүнтэй холбогдуулна. Үүнтэй холбогдуулан цэцэрлэг, сургууль, дотуур байрны халаалт дулааныг маргаашнаас эхлэн зогсоож, төсвийн хэмнэлт хийнэ. Төсвийг шаардлагатай зүйл рүү зарцуулах талаар Сангийн яамтай ярьж байна.

ЭЕШ-ыг хуваарийг одоогийн байдлаар долдугаар сарын 2-нд явуулах нь хугацаа хэвээрээ байгаа. Харин монгол хэл, бичгийн шалгалтыг энэ онд өнжих нь зүйтэй гэдэг байр суурь илэрхийлсэн. Ийм зохицуулалтыг яам хийж байна" гэлээ.

А.Сүх