"Улаанбаатар Сонгдо” эмнэлэгт хэвтэн эмчлүүлж байсан хоёр иргэнээс коронавирусний халдварын сэжигтэй тохиолдол өнөөдөр /2020.04.14/ илэрсэн талаар Эрүүл мэндийн яамнаас хэдхэн минутын өмнө мэдээллээ.
ХӨСҮТ-ийн эмч нарын шуурхай баг тус эмнэлэг дээр очиж ажиллан тухайн иргэнээс шинжилгээ авсан байна.
ХӨСҮТ-өөс мэдээлснээр "Дээрх сэжигтэй тохиолдол "Сонгдо" эмнэлэгт хэвтсэн хоёр иргэний хариу ЭЕРЭГ гарсан гэлээ. Тодруулбал, хавдрын эмчилгээ хийлгэж байсан өндөр настан болон уушигны бронхиттой дунд эргэм насны хоёр иргэнээс хурдавчилсан тестээр шинжилгээ хийхэд хариу эерэг гарсан мэдээлэл бий. Өндөр настан иргэний ач хүү нь Улаан-Үд яваад ирсэн мэдээлэл бий. Өвөө дээрээ нэг удаа очсон. Юмыг яаж мэдэх вэ гээд тест тавьж үзсэн гэсэн байна лээ. Энэ иргэн тусдаа өрөөнд ганцаараа хэвтэн эмчлүүлж байсан учир тэнд нь тусгаарлаж нарийвчилсан шинжилгээ хийсэн. Нөгөө иргэнийг ХӨСҮТ-д тусгаарласан. Шинжилгээ маргааш гарна.
Гэхдээ энд нэг зүйлийг анхаарах хэрэгтэй. Өндөр настай хүний уушгинд сүүдэр гарах тал өндөр байдаг. Хатгалгаа гэж шууд хэлэх хэцүү. Хурдавчилсан оношлуур бол яг вирусний халдвар илрүүлдэггүй. Вирусний халдвар аваад цусанд үүссэн антителиг илрүүлж байгаа оншлуур. Мэдрэг чадварын хувьд янз бүр байна.Хурдавчилсан оношлуураар гарсан хариу нарийвчилсан шинжилгээгээр баталгаажсан удаа байхгүй. ДЭМБ-аас энэ оношлуураар COVI-19 илрүүлэхийг зөвлөөгүй. Аль ч оношлуураар шүү. Тиймээс нарийвчилсан шинжилгээгээр эцсийн хариу баталгаажина" гэлээ.
