УИХ-ын Өргөдлийн байнгын хорооны өнөөдрийн хуралдаанаар Монголбанкнаас гаргасан хэрэглээний зээлийн эргэн төлөлтийн хугацааг хойшлуулах шийдвэр хэрэгжихгүй байгаа талаар ирүүлсэн өргөдлийн дагуу Монголбанкны мэдээлэл сонсож байна.

Хил хааснаас хойш Монголбанкинд тушаах алтны хэмжээ 20 дахин нэмэгдсэн гэсэн. Энэ ямар учиртай юм бэ. Онцгой үед онцгой ажиллах ёстой. Засгийн газраас хэрэглээний зээлийн эргэн төлөлтийг зургаан сар хүртэлх хугацаагаар хойшлуулах шийдвэр гаргасан. Гэтэл банкны эх үүсвэр, Монголбанкны эх үүсвэр гээд ялгаж байна гэх юм.  Ипотекийн зээлийг нэмэгдүүлэх ёстой гэсэн байр суурьт Монголбанк, Сангийн яам нэгдсэн. Гэтэл Монголбанк хойшоо гэдийгээд суучхлаа. Энэ асуудал хэзээ цэгцрэх бэ?

Ипотекийн зээл олголт 50 хувиар нэмэгдсэн. Энэ оны хувьд татаас хэлбэрээр төсөвт суутгасан. Монголбанк 300 орчим тэрбум төгрөгийн санхүүжилт олгох төлөвлөгөө бий. Зээлийн хүү бууруулах асуудлыг судалж байна. Алтны хувьд өнгөрсөн онтой харьцуулахад худалдан авалт тав дахин нэмэгдсэн. Энэ нь хууль бус эргэлттэй холбоотой. Нөгөөтээгүүр, дэлхийн зах зээл дээр алтны үнэ өсөж байгаа учир компаниуд олборлолтоо нэмэгдүүлсэн. Үүнтэй холбоотой байхыг үгүйсгэхгүй.

Арав дахин нэмэгдсэн гэсэн шүү дээ. “Алт-2” хөтөлбөр яаж хэрэгжих юм бэ. Валют оруулж ирдэг ААН-ийг яаж дэмжих юм бэ. Экспорт гаргадаг ААН-ээ дэмжих үү. Банкны холбооны гүйцэтгэх захирал хэрэглээний зээлийн талаар тодорхой хариул.

Энэ оны байдаар 5.3 тонн үнэт металь худалдан авсан. Өнгөрсөн оны мөн үетэй харицуулахад тав дахин их үзүүлэлт. Алт-2 хөтөлбөрийн хувьд Монголбанкнаас арилжааны банкуудад хэрхэн ажиллах асуудлыг судалж байна.

Хэрэглээний зээл төлөлтийн хугацааг ипотекийн зээл авсан бүх хүнд хамаарна гэж Засгаас мэдэгдсэн. Гэтэл банкны өөрийн санхүүжилтээр барьсан орон сууцнаас байр авсан олон хүн бий. Эдгээрийг яагаад ялгаад байгаа юм бэ?.

Банкны холбооноос хүү бууруулах чиглэлээр Монголбанктай хэлэлцэж байна. Бид санаачилга гаргаж, асуудлыг шийдвэрлэж ирсэн. Ипитекийн зээл дээр хоёр төрлийн зээл байдаг. Монголбанкнаас олгосон хөнгөлөлттэй эх үүсвэртэй зээлийн төлөлтийг хойшлуулах шийдвэр гаргасан. Харин бусад буюу арилжааны банкны санхүүжилттэй холбоотой зээлийг тухайн банкиндаа хүсэлт тавих ёстой. Ачаалал маш их нэмэгдэж байна.

Г.Нацаг