УИХ-ын өнөөдрийн чуулганаар импортоор орж ирж буй хүнсний бүтээгдэхүүний татварыг нэмэгдүүлэх талаар хэлэлцэж байна.

Энэ үеэр ХХААХҮЯ-ны сайд Ч.Улаан "Хүнсний тариалалтыг энэ жил 1000 га газраар нэмэгдүүлнэ. Мөн цаашид хүлэмжийн тариалалтыг нэмэгдүүлэх шаардлагатай байна. Учир нь манай улсад хүлэмжийн 9000 га газар байдаг. Хэрэглэдэг нарийн ногооныхоо 30 орчим хувийг л хангадаг учраас тариалалтыг нэмэгдүүлэх шаардлагатай гэж үзэж байна. Мөн тэжээлийн ургамал, тосны ургамлын сэлгээн тариалалтыг нэмэгүүлэх талаар энэ жил  бодлогоор оруулж ирсэн.

Ингэснээр дотоодод ургамлын тосныхоо хэрэгцээг хангах боломжтой болно. Ийм хүчин чадал ч манай улсад бий. Харин өндөг үйлдвэрлэлд үйлдвэрлэгчид дотоодын хэрэгцээгээ бүрэн хангаж байгаа. Харин шувууны тэжээл үйлдвэрлэлийг хангах нь чухал байна. Цаашид дотоодод адь болох тариаллыг нэмэгдүүлж, хэрэгцээгээ бүрэн хангахаар зорьж ажиллаж байна. Цагаан будааны туршитыг өргөтгөх байр суурьтай байгаа" гэлээ.

Б.Лхам