УИХ-д олонх болсон МАН-ын бүлэг бүрэн эрхийн хугацаандаа гурав дахь гишүүнээ явууллаа. Тодруулбал, УИХ-ын чуулганы өнөөдрийн хуралдаанаар Б.Батзориг гишүүнийг өөрийнх нь хүсэлтээр УИХ-ын гишүүнээс чөлөөлөх эсэх асуудлыг хэлэлцлээ.

Тодруулбал, тус асуудалд тооллогын комисс гаргаж, нууц санал хураалт явууллаа. Нууц санал хураалтад нийт 47 гишүүн оролцож, 27 нь дэмжсэнээр Б.Батзоригийг гишүүнээс нь чөлөөлсөн юм. Нууц санал хураалтын дараа УИХ-ын гишүүн Батзоригийг гишүүнээс чөлөөлөх тухай УИХ-ын тогтоолыг батлах санал хураалтыг ил хураасан.

Ингэхэд санал хураалта 52 гишүүн оролцож, 27 гишүүн дэмжсэнээр тогтоолын төсөл батлагдлаа.