АТГ-ын Олон нийтийн зөвлөлөөс Сонгуулийн ерөнхий хороонд шаардлага хүргүүлж буйгаа мэдэгдлээ. Тодруулбал, "Сонгуулийн хувьсгал буюу Авлигачдаас ангижиръя" гэсэн уриалгатай уг шаарлагад УИХ-ын сонгуулийн зардлыг бууруулахыг тусгасан байна. 

УИХ-ын гишүүд хууль тогтоож, нийгэмд сайн сайхныг цогцлоохоос илүүтэй болохгүй бохир зүйлстэй хутгалддаг боллоо. Эх нь булингартай бол адаг нь булингартай гэдэг үг бий. Хууль тогтоох байгууллагын гишүүд нь авлигын хэрэгт холбогдож, хүчин, хүчирхийлэл зэрэг эрүүгийн гэмт хэрэгт холбогдож буй нь ёсзүйгүй байгаагийн том илрэл. Ийм бохир зүйлс Монгол Улсыг бүхэлд нь бүрхэж байна. Тиймээс УИХ-д нэр дэвших иргэд нэр цэвэр, гар цэвэр байх ёстой. Гэтэл нэр дэвшигч 400-800 орчим сая төгрөг зарцуулахаар байна. Ийм их хөрөнгө зарцуулсан хүн Монгол Улсын төлөө зүтгэх үү. Ийм хэмжээний мөнг зараад жилд 96 сая төгрөгийн цалин авна. Өөрөөр хэлбэл, сонгуульд зарцуулсан мөнгөө дөрвөн жилийн хугацаандаа нөхөж чадахгүй. Тиймээс авлигын эх үүсвэр тэнд байгаа учраас Төрийн ордон руу зүтгэж байна. Ард иргэдийн зүгээс сонгууль шударга явуулаач. Сонгуульд тендерээс хулгай хийдэг. авлига албан тушаалын хэрэгт холбогдож байсан хүмүүсийг нэр дэвшүүлж байна. Ингэхээр сонголтгүй сонголт болж байна. Тиймээс шударга иргэдийг нэр дэвшүүлж өгөөч гэдгийг хүсэж байна.

Энэ ч утгаараа Сонгуулийн ерөнхий хороонд авлига, албан тушаалын гэмт хэрэгт холбогдож байсан хүмүүсийг битгий нэр дэвшүүлээч, нэрсийг нь ил зарлаач гэдэг шаардлага хүргүүлж байна. АТГ-т ийм зөвлөмж хүргүүллээ. Түүнчлэн улс төрийн нам, эвслүүдэд ийм хүмүүсийг битгий нэр дэвшүүлээч гэдэг зөвлөмж хүргүүллээ.

Мөн Монгол Улсын Ерөнхий прокурор, Үндэсний аудитын газарт мөн ийм шаардлага хүргүүлсэн. Шаардлага долоо хоногийн хугацаатай. 

Бидний шаардлагыг хүлээж аваасай гэж хүсэж байна. Учир нь УИХ-ын гишүүн болсных нь дараа "Гэмт хэрэг үйлдсэн байж болзошгүй байна" гээд шалгах гэхээр УИХ-ын гишүүний халдашгүй дархан байдал гэдгээр халхавчилж нуугддаг. Түүгээр зогсохгүй гаднын иргэдэд ашигтай байдлаар хууль санаачилж, баталдаг байх талтай зүйл харагдаж байна. Ёсзүйгүй, ард иргэдээ мартдаг гишүүд олон байна. 2020 оноос эхлэн сонгуулийн хувьсгал өрнүүлье гэж уриалж байна" гэлээ.