УИХ-ын чуулганаар Үндсэн хуулийн цэцэд маргаан хянан шийдвэрлэх ажиллагааны тухай хуулийн 15.4 дэх Цэц зөвхөн Үндсэн хуудль хүчин төгөлдөр болж үйлчилсэн хууль тогтоомж болон албан тушаалтантай холбоотой маргааныг хянан шийдвэрлэнэ гэж заасан нь Үндсэн хуулийн 64.1, 70.1 дэх заалтыг зөрчсөн гэж үзсэн Үндсэн хуулийн цэцийн энэ сарын 21-нд гаргасан дүгнэлтийг хүлээн авах боломжгүй гэж үзлээ. Гишүүдийн зүгээс Эрдэнэт үйлдвэрийн 49 хувьтай холбоотой маргааныг Цэцийн гишүүд тодорхой бүлэг этгээдтэй хуйвалдаж, компанийн эрх ашигт үйлчилж байна гэж шүүмжилсэн бөгөөд Эрдэнэт үйлдвэр төрийн болон ард түмний нийтийн өмч байх ёстой гэсэн байр суурийг илэрхийлж байлаа. Ингээд гишүүдийн байр сууриас хүргэж байна. 

Ц.Нямдорж: Цэцийн дүгнэлтэд 1992 онд гаргасан хууль тогтоомж болон албан тушаалтантай холбоотой хэрэг маргааныг хянан хэлэлцэнэ гэсэн заалт бий. Өмнө нь гаргасан заалтыг хүчгүйдүүлж байна. Ингээд ажил эхэллээ дээ. Үндсэн хуулийн цэцийн хуралдаанд оролцсон иргэн гэж юун этгээд вэ гэж байнгын хорооныхноос асууя. Г.Цэрэнбадам гэж Эрдэнэтийн 49 хувийн бүх ажлыг хутгаж,  хийсэн хүн мөн үү. Ийм хүнийг оролцуулсан чинь зөв юм уу, Цэц ээ.

Сүлжээгээ авч үлдэх гэж сонгуулийг ашиглаж будлианаа хутгаж байна.

Ийм л юм та нар оруулж ирж байна. Юу болоод байгаа юм бэ. Энэ луйварчдын хэрэг шүүхэд шилжиж байгаа шүү. Гэтэл Цэц ийм шийдвэр захиалгаар гаргаж байдаг. Бүр төлөөллийг нь оролцуулаад шүү. н.Нанзаддорж гэж этгээд зорилготой тавигдсан хүн. Сүлжээний гол зохицуулагчдын нэг. Ямар мэдэхгүй биш. Төрийн өмчийн хороонд ажиллаж байсан.

Гишүүд ээ, Эрдэнэт үйлдвэрийн талаар гаргасан шийдвэрээ мартаагүй биз. Эсрэг дүгнэлт оруулж ирж байгааг юу гэж ойлгох вэ. Наймаанд орсон байна гэж үзэх үү. Нам дамжсан бүлэг хулгайчдыг захиалгыг яагаад дэмжсэн юм. Санал хураалтаа нээлттэй явуул. Хэн нь хэн бэ гэдгийг сонгогчдод илчил. МАН-ын дотор ийм бүлэглэл байж болохгүй. Засгийн газар, Их Хурлын тогтоосон онцгой дэглэмийг хүчингүй болгож, зорилгоо биелүүлэх гэж байна. Өмнө нь Эрдэнэтийн маргаан шийдвэрлэж байхад юу би болсныг мэдэж байгаа шүү.

Б.Лхам