УИХ-ын өнөөдрийн чуулганаар малчдаас ноолуур худалдан авах асуудлын талаар хуралдаж байна. 

Л.Энх-Амгалан: Бид малчиддаа үнэнийг нь хэлэх цаг болжээ. Хөдөө орон нутагт том хүлээлт бий болчихсон. Та зөвхөн зүүн гурван аймагт ноолуур байдаг гээд хэлчих юм. Тэгж болохгүй шүү. Та буруу ойлголттой байна. Буруу замаар будаа тээхгүй байх талаар өнөөдөр ярьж байна. 300 тэрбум төгрөг бол нийт ноолуурын 30 хувь. Бодлогын гэрээ, зээлийн гэрээ хоёр өөр. Компаниуд бодлогын гэрээгээ харуулаад малчдаас ноолуур авчихсан байна. Мөнгөө өгч авалцсан юм байхгүй. Хэрэв тухайн компани зээлээ авч чадахгүй, банкны шалгуураа дааж чадахгүй бол яах вэ. Малчид молигдуулаад үлдэх үү. Яаман дээр бодлогын гэрээ хийгдсэн юм байж. Гэхдээ зээлийн гэрээ нь хаана байна вэ. Үүнийг тодорхой болгомоор байна. Биднээс шалтгаалахгүй асар их асуудал байна. Нөгөөтээгүүр, экспортод гаргах ямар боломж байна вэ. Түүхийгээр нь хэрхэн хилээр гаргах вэ гэдгийг өдөр хоног алдахгүй бололцоогоо хайя. Банкууд малчдын зээлийг түр хугацаагаар хойшлуулсан гэсэн. Ингэж л түр амсхийсэн байна. Хөөрхий малчид чинь хүлээгээд л сууж байгаа шүү. 

Ч.Улаан: Ноолуурын 30 хувийг бодлогын гэрээгээр бэлтгэнэ гэсэн. Гэхдээ зөвхөн зүүн гурван аймгийн ноолуур сайн гэж хэлээгүй. Та бичлэгээ үзээрэй. Банкны шалгуур давсан ААН-тэй л бодлогын гэрээ хийж байна. 160 тэрбум төгрөгийн зээлтэй ААН-үүд энэ зээлд орж ирээгүй. Угаасаа банкны шалгуур давахгүй. Малчид баруун, зүүнээрээ мөнгөө сольж авъя гэж байгаа нь үнэн. Арилжааны банктай зээлийн гэрээ байгуулсан ААН-ийн дансанд орох боловч энэ мөнгийг шууд захиран зарцуулах эрхгүй. Хийсэн гэрээний дагуу малчдын дансанд орно. Таны хэлсэн шиг эрсдэл гарахгүй гэж бодож байна.

Б.Лхам