УИХ-ын чуулганы үдээс хойшхи нэгдсэн хуралдаанаар ноолуурын ханш түүнтэй холбоотой бусад асуудлаар үргэлжилж байна. Энэ үеэр гишүүд асуулт асууж, хариулт авсан юм.  

Ш.Раднаасэд: 2240 тонн ноолуурыг хэчнээн ААН авъя гэж байгаа юм. Бодлогын гэрээ хийсэн хэчнээн компани байгаагаас дахин хэд нэмэгдэж хийх юм. 30 хоногийн дараа бүх аймгуудын ноолуур гараад дуусна. Зарим ноолуурын үйлдвэрүүд бодлогын гэрээ хийсэн ч Төрийн банкин дээр гацсан. Төрийн банкнаас асуухаар Хөгжлийн банкинд гацсан гээд байдаг. Хоёрдугаарт, үнийн өрсөлдөөнийг бий болгож, ААН-үүдэд жигд хуваарилах, зээлийн нөхцөлийн хөнгөвчлөх бололцоо бий юу?

Ч.Улаан: Ноолуур бэлтгэхэд оролцож байгаа болон санал хүсэлтээ ирүүлсэн 20 компани байна. Гэрээ байгуулаад ажлаа эхэлсэн 10 гаруй компани байна. Мөн гэрээгээ байгуулахаар хүлээгдэж байгаа 10 гаруй компани бий. Шаардлагатай гэвэл нэрсийг нь зарласан ч болно. Ойрын үед Төрийн банк болон Хөгжлийн банктай гэрээгээ байгуулаад ирэх долоо хоног гэхэд энэ ажил дуусна гэж бодож байна. Эдгээр 20 гаруй компани 21 аймгаас ноолуур авна.

Ажлын хэсэг: Хөгжлийн банкин дээр нийт 300 тэрбум төгрөг гэж ярьж байгаа. Монголын ноос ноолуурын холбооноос гаргасан хүсэлтийн дагуу олон талын судалгаа хийж доод үнийг тогтоосон. Зээлийн буву хөрөнгийн эх үүсвэрийг нэмэгдүүлэх талаар Засгийн газраас баталсан 101 дүгээр тогтоолын дагуу Хөгжлийн банкнаас зээлийн хэмжээг нэмэгдүүлэх бодлого барьж байна.

А.Сүх