Эрүүл мэндийн яамнаас цаг үеийн асуудлаар мэдээлэл хийлээ. Энэ үеэр ХӨСҮТ-ийн захирал Д.Нямхүү "Энэ сарын 27-нд ХӨСҮТ болон улсын хэмжээнд сэжигтэй тохиолдол бүртгэгдээгүй.

ХӨСҮТ-ийн хоёр, Дархан-Уул аймгийн салбар лабораторид өчигдөр 59 хүнд шинжилгээ хийлээ. Халдвар илрээгүй. Үүнд Дархан-Уул аймгийн Алтанбулагийн боомтоор орж ирсэн 17 ачаа тээврийн жолоочид давтан шинжилгээ хийсэн. Мөн тандалтын зорилгоор 17 хүнд шинжилгээ хийсэн.

Бүгд сөрөг гарсан. Улсын хэмжээнд нийт долоон лаборатори ажиллаж байна. Хүчин чадал, ажиллах зарчим, хэрэглэж байгаа оношлуур бүгд адилхан. Ингээд эмч мэргэжилтнүүд хуваарилагдсан оношлуураараа дадлага сургуулилт хийж байгаа. Дараагийн чартер онгоцоор ирэх иргэдийг хүлээн авах бэлтгэл ажлыг хангасан" гэлээ. 

А.Сүх