УОК-оос цаг үерийн асуудлаар мэдээлэл хийлээ. Энэ үеэр Шадар сайд Ө.Энхтүвшин "Нөхцөл байдал амаргүй болж байгаа учир өндөржүүлсэн бэлэн байдлын хугацааг ирэх сарын 31-нийг хүртэл сунгахаар шийдвэрлэлээ. 

ОХУ-д байдал улам хүндэрч байна. Солонгос, Европоос иргэдийг тус тусад нь авчирна. Учир нь Солонгос дахь иргэд халдварын шинжилгээнд хамрагдсан. Тиймээс нэг дор авчрах нь бүгдийг нь эрсдэлд оруулах талтай. 

ОХУ-д суралцаж байгаа оюутнуудаа ээлж дараатай авчирна. Учир нь дотуур байрнаасаа гарсан, хөөгдсөн хүүхдүүд цөөнгүй байна" гэлээ.

Мөн "Гадаадаас эх орондоо ирэх иргэдийн тоо тогтмол өсөж байна. Одоо 9,8 мянган болж нэмэгдсэн. Нийт 190 мянган ирэх тооцоо бий. Тиймээс шалгуур тавьсан. Эмчлүүлэх гэж явсан, өндөр настан, жирэмсэн, бага насны хүмүүсийг эхлээд татаж авна. Татаж авч эхлэх үеэс тоо нэмэгдсээр байна. Элчин сайдын гадаа суулт хийх гэж байна гэлээ. Суулт хийгээд ч хэрэгүй. Онгоц нэмэгдэхгүй, тусгаарлах байрны хүрэлцээ сайрахгүй. Нийт таван удаагийн нислэг хийсэн. Солонгос руу олон удаа нислэг хийсэн. Үүнд баярлалаа гэж хэлэх хэрэгтэй. Энэтхэг дэх байдал амаргүй байгаа. Солонгос, Австрали руу дамжиж нисвэл эрсдэл үүснэ. Байнгын нислэг үйлддэггүй чиглэлд нислэг үйлдэхгүй. Хэрвээ чиглэл нэмбэл 50 гаруй улс руу онгоц хөөргөх болно. Би тэгж худлаа хэлж чадахгүй.

Монгол Улсаас БНЭУ-д суугаа Элчин сайд Г.Ганболд мэдээлэл ирүүлсэн. Энэ дагуу судалгаа хийж байна. Гэхдээ шууд нислэг хийх боломжгүй. 

Танхимын сургалтыг үе шаттай нээхээр судалж байна. Гэхдээ олон хүнийг бөөгнөрүүлсэн, дэг журамгүй явдал үүсгэхгүй" гэв.

Сонгуулийн үеэр тусгаарлах байранд иргэн байхгүй байхаар тооцож ажиллаж байна. Сонгууль болж, саналаа өгөх гэтэл тусгаарлах байранд байж байдаг. Энэ жил томсгосон тойргоор сонгууль болно. Тиймээс тухайн үед иргэдийг тусгаарлалтаас гарсан байхаар тооцож ажиллаж байна.