УИХ-ын гишүүн Л.Элдэв-Очир нарын гишүүд Ноолуурын зах зээл дээрхтулгамдсан асуудлын талаар мэдээлэл хийлээ. Тэдний зүгээс ноолуур тушаасан малчдад 20 мянган төгрөгийн урамшуулал нэмж өгөх талаар төсөлд боловсруулжээ. 

Энэ талаар тэрбээр "Ноолуурын үнийг 100 байхаар үнэ тогтоосон. Ялангуяа зүүн аймагт 100-105 мянган төгрөг, баруун аймагт 80 орчим байна. Бүр Говь-Алтай аймагт 27 мянга, зарим аймагт 50 мянга ч гэж байна. Үнэ тогтоосон нь ойлгомжгүй байдал үүсгээд байна. Гэтэл гадныхан орж ирээд ноолуур авъя гэхээр засгийн газраас үнэ тогтоочихсон байдаг. үнийг хатуу бодлогыг давж чадах уу үгүй юү гэдэг эргэлзээтэй. Тиймээс Ноолуурын зах зээл дээрх тулгамдсан асуудлаар санал дүгнэлт гаргаж, Засгийн газар өргөн мэдүүлэхэд бэлэн болоод байна. Тухайлбал, Их хурлаас  тогтоолын төсөлд дараах арга хэмжээнүүдийг тусгалаа.

Ноолуурын үнийг зах зээл өөрөө тогтоох ёстой. Худалдан авагч, бэлтгэн нийлүүлэгч, ёенж, үйлдвэрүүдийн эрэлт нийлүүлэлтээс бодит үнэ тогтох ёстой. Төсөөллийн хувьд 80 орчим мянга гэж хэлж болно.

Нэгдүгээрт, ноолуурын түүхий эдийн нөөц бүрдүүлэх ноолуурын бүтээгдэхүүнийг экспортлохтой холбогдуулан ноолуурын үйлдвэр эрхлэгчдэд хөнгөлөлттэй зээл олгох ажлыг яаралтай зохион байгуулах, хоёрдугаарт, ноолуурын экспортыг дэмжих чиглэлээр ноолуурын экспортыг дэмжих чиглэлээр ноолуурыг бүх хилийн боомтуудаар саадгүй нэвтрүүлэх, холбогдох татварыг тэглэх, гуравдугаарт, нэг кг ноолуур тутамд 20 мянган төгрөгийн урамшууллыг малчин өрх бүрт олгох, дөрөвдүгээрт, ноолуурын зах зээл өрсөлдөөнийг бий болгож, бодит үнэ тогтоох зэрэг тогтоолын төслийг хүргүүллээ. Ажлын хэсэг үндсэн үүргээ биелүүлсэн гэж үзэж байна.

Ноолуурын үнийг бүс бүрээр нь тогтоож, 100 мянган төгргөөс буулгахгүй гэж тогтоосон нь эдийн засаг, нийгмийн нөхцөл байдалд таарахгүй нь ойлгомжтой болсон. Тиймээс тогтоолын төслийг санаачилж Засгийн газарт яаралтай хүргэж нийгэмд зөв эерэг хандлага хүргэснээрээ зах зээл дээр бодит ноолуурын үнэ, өрсөлдөөн тогтоно. Өмнө нь Хөдөө аж ахуйн яамнаас авч хэрэгжүүлсэн арга хэмжээ үр дүн муутай байна. Энэ асуудлаар Ч.Улаан сайд ойрын хугацаанд залруулга хийх байх.

Засгийн газрын тогтоол удахгүй гарах байх. Тэр болбол малчид ноолуураа зарахгүй хүлээсэн нь дээр" гэлээ. 

Б.Лхам