УИХ-ын өнөөдрийн чуулганаар “Зарим газар нутгийг улсын тусгай хамгаалалтад авах тухай” Засгийн газраас өргөн мэдүүлсэн тогтоолын төслийг УИХ-ын чуулганаар хэлэлцэх эсэхийг хэлэлцэж байна.

Хэлэлцэж байгаа асуудалтай холбогдуулан гишүүд дэмжих эсэхээ илэрхийллээ.

А.Сүхбат: Хэлэх үгээ хэлнээ. Хүнцэл бол маш аюултай бодис. Гар, нуруу мурийхаас эхлээд эрүүл мэндэд маш хортой. Ноён уулын сав газарт зөвшөөрөгдөх хэмжээнээс найм дахин их байна. Герман-Монголын судалгаа шүү. Гаднын доншуучид Монголыг хайрлах уу. Хэрвээ Ноён уулыг ухсан бол өдийд Улаанбаатар хот устах байсан. Тиймээс тусгай хамгаалалад авах ёстой. Н.Цэрэнбат саыдын саналыг дэмжиж байна.

Б.Саранчимэг: Хууль хэрэгжиж эхэлбэл ААН-ээс газраа яаж авах бэ. Хэн хяналт тавих бэ. Хамтарч ажиллах шаардлагатай шүү.

Ц.Гарамжав: Дэмжиж байна. Ноён уулыг хамгаалалтад авах нь маш чухал шийдвэр. Уул уурхайн хөгжлийг дагаад хууль бус үйлдэл, хариуцлагагүй үйлдэл гаарсан. Өнгөц чулуугаа тонн тонноор нь гаргаж байна. булш бунхнаа гадагшаа зөөвөрлөж байна. Ийм үйлдлийг сүүлийн дөрвөн жилийн хугацаанд багагүй цэгцэлж байна. Уул уурхайн томоохон төсөлд ТЭЗҮ маш чухал. Жишээлбэл, тухайн бүс нутагт ямар ургамал, ан амьтан, ус байна вэ гэдгийг тусгаж өгдөг. Үүнийг мэргэжлийн байгууллагаас судалгаа хийж биологийн дүн шинжилгээ хийдэг. Энэ шинжлэх ухаанч ажлыг эрчимтэй өрнүүлмээр байна. Тогтмол хийдэг баймаар байна. Хүнцэлийг асар их хэмжээгээр ашигладаг байсан технологийг халж байна. Оронд нь ямар технологи ашиглах ёстойг судлах хэрэгтэй байна.

     Гишүүд дэмжиж буйгаа илэрхийлсний дараа тогтоолын төслийг хэлэлцэхийг дэмжих гэдгээр санал хураахад чуулганд суусан 56 гишүүнээс 40 нь зөвшөөрснөөр “Зарим газар нутгийг улсын тусгай хамгаалалтад авах тухай” Засгийн газраас өргөн мэдүүлсэн тогтоолын төслийг анхны хэлэлцүүлэхээр Байгаль орчин, хүнс, хөдөө аж ахуйн байнгын хороонд хүргүүллээ.

Г.Маргад