АТГ-ын Мөрдөн шалгах хэлтсээс энэ тавдугаар сарын 4-ний 22.00 цагийн орчимд "Эрдэнэс Тавантолгой" ХК-ийн захирал асан Д.Ариунболдыг баривчилж Цагдан хорих 461 дүгээр ангид саатуулсан байна.

Тэрбээр 2016-2018 онд "Эрдэнэс Тавантолгой" ХК-ийн захирлаар ажиллаж байсан бөгөөд Тавантолгойн ордоос алдагдсан нүүрсний хулгайтай холбоотой бололтой асуудлаар ийн баривчилсан бололтой. 

Хэргийг нэхэн сануулбал, "Эрдэнэс Тавантолгой”-н тусгай зөвшөөрөлтэй талбайгаас 268.3 мянган тонн нүүрс хулгайд алдагдсан гэдэг мэдээлэл өмнө нь цацагдсан байсан. Энэ хүрээнд Ерөнхий сайдын чиглэлийн дагуу 10 гаруй агентлагийг хамруулсан ажлын хэсэг байгуулагдаж, шалгалтын явцад Монгол Улсын гаалиар эх үүсвэр нь тодорхойгүй 390 мянган тонн нүүрс гарсныг тогтоосон тухай нэр бүхий улстөрчид мэдэгдэж байв. Уг хэрэгтэй холбогдуулан УИХ-ын нэр бүхий дөрвөн гишүүний асуудал ч яригдаж магадгүй талаар эх сурвалж өгүүллээ.

Г.Маргад