Коронавирусний улмаас эдийн засаг агшилттай байгаа энэ үед иргэдийн амьжиргааг  тэтгэх үүднээс Засгийн газраас гаргасан шийдвэрүүдийг Ерөнхий сайд У.Хүрэлсүх танилцуулсан.

Энэ үеэр Үндсэн хуулийн нэмэлт, өөрчлөлттэй холбогдуулан Засгийн газар чадамжгүй болох эрсдэл үүсээд буй асуудлаар Ерөнхий сайд У.Хүрэлсүх “Сонгууль дөхсөнтэй холбоотой зарим хүн улстөржиж байна.

Сонгууль болохоос нэгхэн сарын өмнө Засгийн газрыг солиод яах ч юм билээ. Гэхдээ УИХ-аас ямар шийдвэр гаргана. Үүнийг нь Засгийн газар хэрэгжүүлнэ” гэлээ.

Түүнчлэн "Цагийн байдлаас хамаарч шийдвэр гаргана. Засгийн газар, УОК, хотоос гаргасан шийдвэр хүн болгонд таалагдах байж мэднэ. Хүн болгонд таалагдаж гэж нийтийн эрх ашгийн төлөө шийдвэр гаргана. Тиймээс албан тушаалтнуудад "Хариуцлагатай шийдвэр гарга. Шийдвэр гаргахаасаа өмнө сайн бод" гэж хэлсэн. Шөнийн цэнгээний газрыг нээсэн нь буруу байсан. Энэ шийдвэрээ цуцалсан байна лээ. Аюулгүй байдлаа хангах нь чухал шүү. Бизнесийн хувьд дэлхий нийтээрээ хямарч байна. Хөрөнгө мөнгөтэй улс орнууд арга хэмжээ авч чадаж байна. Бидний хувьд Засгийн газарт байгаа боломж нь энэ. Дараагийн арга хэмжээг судалж байна.

Түүнээс биш бүх зогссон бизнесийг өөд татаж босгоод, бүх иргэдэд мөнгө өгч, ААН-ийг тордож чадахгүй.

Дэлхий нийтэд цар тахал нүүрлэсэн. Дэлхийн хэмжээнд материаллаг бааз үйлдвэрлэдэг ажилчдын 81 хувь нь хөл хорионд орсон. Үүнээс болж бизнес нь зогсож байна. Ноолуурын үнэ ханш ч ялгаагүй. Франц, Италь, Хятадын үйлдвэр зогссон. Үүнээс болж ноолуурын үнэ унаж байна. Иргэд бараа бүтээгдэхүүн худалдаж авахгүй байна. Түүнээс биш Ч.Улаан сайд малчдынхаа эсрэг юм ярьж хэлээгүй байх. Малчдынхаа бүтэн жилийн хөдөлмөрийг юм болгочих юмсан, хэдэн төгрөг ахиухан өгчих юмсан гэсэн дээ Сангийн сайд үг хэлсэн байх. Энэ нь ноолуурын үнэ өсөхөд нөлөөлсөн байх. Тиймдээ ч ноолуурын зах зээлийг нээхээр ярьж байна. Ноолуурын үнэ унасан нь хил хаасантай холбоотой. Зохиуцуулалт хийж, үнэ өсгөх арга хэмжээ авна. Тиймдээ ч өнөөдөр зарах гэж яараад яах вэ гэж Ч.Улаан сайд хэлсэн, надад тэгж танилцуулсан" гэв.