УИХ-ын гишүүн асан Н.Номтойбаярыг албадан ирүүлэх шүүгчийн захирамж гаргуулах хүсэлтийг нийслэлийн Прокурорын байгууллагаас шүүхэд гаргасан билээ. Уг хүсэлтийгЧингэлтэй дүүргийн Эрүүгийн хэргийн анхан шатны шүүхэд хэлэлцэж байгааг бид мэдээлсэн билээ. 

Тэгвэл уг асуудалтай холбогдуулан Н.Номтойбаяр "Улс төр орсон цагт хууль "үйлчилдэггүй"-н тод жишээ. Намайг нэр дэвшүүлэхгүй, "шоглох" ажиллагаа эхэллээ" гэж бичжээ. Тэрбээр ийм тайлбар бичиж Чингэлтэй дүүргийн шүүхийн шүүгчид доорх хүсэлтийг хаягласан байна.

Уг хүсэлтэд "Өнөөдөр 15.00 цагаас болох шүүх хуралд намайг оролцох боломжгүйгээр тулгасанд Нийслэлийн Прокурорын газрын С.Мөнхгэрэлийн өмнөөс хүлцэл өчье. Миний бие хуулийн байгууллагад хүндэтгэлтэй хандаж ирсний хэрээр хэлмэгдээд байна. Тодруулбал, 2017 онд миний бие ХНХ-ын сайдаар ажиллаж байхдаа гаргасан хууль ёсны шийдвэрийн жишгээр миний дараа ХНХ-ын сайд болсон С.Чинзориг 2018, 2019 онуудад гаргасан шийдвэрүүдийг буруутай гэж үзэхгүй атлаа намайг буруутгасан нь хэлмэгдүүлж буйн тод жишээ" гээд "Намайг Хан-Уул дүүрэгт бте даан нэр дэвшихтэй холбогдуулан сандралдаж буй дээрх хуулийн байгууллагууд "албадах" хүсэлтийг өнөөдөр эрхэм шүгч танд гаргажээ. Тиймээс прокурорын хүсэлтийг хүлээж авахгүй байхыг хүсье" гэсэн байна.

Г.Маргад