Монгол Улсын Ерөнхийлөгч асан Ц.Элбэгдорж сонгуульд нэр дэвшихгүй гэдгээ цахим орчноор дамжуулж мэдэгдлээ. Тэрбээр "Их хурлын сонгуульд та дэвших гэж байгаа юм уу. Дэвшихийг урьж байна. Таныг дэвшүүлэх талаар яримаар байна гэж хандах. Бүгдэд нь баярласнаа илэрхийлье. Хүү нь Их Хурлын сонгуульд явах гэж байна гэсэн яриа гарах.

Хүүгээсээ бас асуулаа. Их Хуралд үгүй гэнэ. Манайхаар нэг иймэрхүү” хэмээн жиргэжээ.

Ямартай ч тэрбээр өөрийн хүү Э.Эрдэнээг УИХ-ын сонгуульд нэр дэвшихгүй гэдгийг товчоор илэрхийлсэн нь энэ юм байна. Гэхдээ өөрөө нэр дэвших эсэхээ тодорхой бичсэнгүй. Нөгөөтээгүүр, хүү нь Их хуралд нэр дэвшихгүй гэснээс биш нийслэлд эсвэл орон нутагт нэр дэвшихгүй гэдгээ мөн л тодорхой бичээгүй. Эндээс үзвэл, хоёр үзүүртэй зүү гэдэг шиг зүйл бичсэн нь харагдах.

Түүнчлэн хэрвээ түүний хэлснээр үнэхээр түүнд хандаж хүсэлт гаргаан нам, эвсэл бий эсэх нь эргэлзээтэй. Учир нь нэгэн үеийн төрийн эрхийг атгалцаж явсан тэрбээр хэд хэдэн сэдэвт ороогддог. Түүний нэг нь Тавантолгойн асуудал. Энэ утгаараа Ц.Элбэгдоржийг нам, эвсэлдээ урьсан бол өөрсдөдөө гал дуудснаас ялгаагүй зүйл болох нь дамжиггүй юм. 

Г.Маргад