“Ковид-19” халдварт цар тахлын үеийн хариу арга хэмжээ” дадлага сургуулилалттай Ерөнхий сайд У.Хүрэлсүх танилцлаа. Энэ үеэр тэрбээр "Өнөөдрийн байдлаар коронавирусний улмаас дэлхийн 215 оронд 3.8 сая хүн өвчилж, 264 мянган хүн нас барсан байна. Улсын хэмжээнд 41 тохиолдол гаднаас зөөвөрлөгдөн ирснээс гурав нь гадны иргэн байна. Улс дотроо короанвиурс алдаагүй цөөн хэдэн орны нэг нь Монгол Улс шүү дээ. Зөөвөрлөгдөн орж ирсэн тохиолдлууд хяналтад байна. Үүнийг алдаж болохгүй. Өөрөөр хэлбэл, аюул занал бидэнд ч ойрхон байна гэсэн үг.

Тиймээс бид бэлэн байдлыг хангах, урьдчилан сэргийлэх ажлыг маш сайн хийх хэрэгтэй. Энэ хүрээнд улсын хэмжээнд гурав хоногийн дадлага сургуулилтыг хийж байна. Энэ үеэр хэрэв манай улсад цар тахал тархлаа гэхэд хэрхэн ажиллах, зохион байгуулалтыг яаж хийх талаар үзсэн, туршсан, цагийн байдлаа хэрхэн үнэлж, уялдаа холбоотой ажиллах вэ гэдгийг дадлагажуулсан.

Вакцин гарахад доод тал нь нэг жил шаардлагатай гэсэн. Энэ хүртэлх хугацаанд бэлэн байдлыг хангаж ажиллах чухал. Иргэдийн хувьд өндөржүүлсэн бэлэн байдлын үед хэрхэн хамтарч ажиллахад өнхөөрөх ёстой. Үр хүүхэд, хайртай хүмүүсээ хамгаалахад иргэдийн оролцоо маш чухал гэдгийг анхааруулмаар байна.

Төр, засгаас гаргасан бодлого шийдвэрийг ухамсартайгаар хүлээн авч, даган биелүүлж байгаал их баярлаж байгаа. Төр, засаг, иргэдийнхээ хамтын хүчээр бид өнөөдрийг хүртэл аюулт цар тахлыг хазаарлаж чадсан. Цаашид ч хамтын хүчээр ажиллана шүү.

Цаашид хүн ам ихтэй аймаг, сумдуудад үе шаттай дадлага сургуулилт зохион байгуулах хэрэгтэй. Дадлага сургуулилтыг сайн хийснээр иргэд сэтгэл зүйн хувьд бэлтгэгдэнэ. Хэрэв цар тахал дэгдсэн тохиолдолд ийм нөхцөл байдал үүсэх юм байна шүү гэдгийг бага боловч ойлгуулж, сургуулилт хийж байна. Нийслэлийн иргэд ч ойлгож, мэдэрч байгаа байх гэж бодож байна" гэсэн юм. 

Б.Лхам