МАН-ын VI дахь Бага хурал эхэллээ. Уг хурлаар УИХ-ын 2020 оны сонгуульд өрсөлдөх нэр дэвшигчдээ тодруулах юм. Энэ талаар УИХ-ын гишүүн Б.Чойжилсүрэнгээс тодрууллаа.

-Намаас зарим гишүүдийг нэр дэвшүүлэхгүй гэсэн асуудал яригдаж байна?

-Намын бодлогыг л дагана.

-Таны хувьд нэр дэвших хүсэлтээ өгсөн үү?

-Өгсөн.

-Намын даргын зүгээс ЖДҮ-ээс зээл авсан гишүүдийг нэр дэвшүүлэхгүй гэдгээ мэдэгдсэн. Та энэ талаар ямар байр суурьтай байгаа вэ?

-Одоогоор ямар нэгэн мэдээлэлгүй байна. Нэр дэвшигчид эцсийн байдлаар тодроогүй ч ретингийн судалгаагаар өндөр оноо авсан гишүүдийг нэр дэвшүүлэх талаар гурван шалгуур яригдаж байгаа юм байна лээ.

-Таны хувьд сонгуульд хэнтэй нэр дэвшихээ илэрхийлсэн бэ?

-Хуучин тойрогтоо Ч.Хүрэлбаатар, Н.Цэрэнбат сайд нартай нэр дэвшихээ илэрхийлсэн.

-Танай тойрогт хуучин гишүүдээ нэр дэвшүүлэх юм байна. Та гурвын хувьд хэр ажилласан гэж дүгнэж байна вэ?

-Мэдэхгүй байна. Намын удирдлагууд мэднэ. 

-Таны хувьд удирдлагуудтайгаа тохирсон зүйл бий юу?

-Уулзсан. Нэр дэвшинэ гэдгээ илэрхийлсэн.

Б.Лхам