УОК-ын өргөтгөсөн хуралдаан Төрийн ордонд хуралдаж байна. Энэ үеэр Эрүүл мэндийн сайд Д.Сарангэрэл "Коронавирусний халдварт Монгол Улсын хүн амын нэг хувь буюу 32 мянган хүн халдварт өртөнө гэж ДЭМБ-аас тооцоо хийсэн. Энэ утгаараа зарим чухал эм, бэлдмэлийг нөөцлөх хэрэгтэй байна. Мөн хувийн хамгаалах хэрэгслийг нөөцлөх нэн шаардлагатай байна. Учир нь дэлхийн хэмжээнд эмнэлгийн ажилтан халдвар аваагүй тохиолдол маш цөөхөн байна. Амны хаалтанд 37 тэрбум шаардлагатай. Лобаораторийн урвалж бодис, арриутгал халдваргүйтэл гээд нийт 100 гаруй тэрбум төгрөг шаардлагатай байна.
Эдгээрээс гадна Түлэнхийн төвийн барилга удааширалттай байна. Өнгөрсөн долоо хоногт ДЭМБ-ын тэргүүн дэлхийн улс орнуудад хандаж "Дэлхий цаашид хэвээрээ байхгүй. Улс орнууд бэлэн байсангүй. Гар барих төдийд амь насанд халтай нөхцөлд бид амьдарч байна. Бидний нөхцөлд хүн төрөлхтөн амар амгалан амьдрах боломжгүй боллоо. Тиймээс дэлхий нийтээрээ эв найрамдалтай байх хэрэгтэй. Эрүүл мэндийн салбарт хөрөнгө оруулах нь тансаглал биш. Чадлаараа хөрөнгө оруулаарай" гэж хэлсэн" гэлээ.
Сэтгэгдэл (1)