МАН-аас намын санхүүжилтийн асуудлаар мэдээлэл хийлээ.
МАН Сонгуулийн тухай хуульд заасны дагуу сонгуулийн санхүүжилтээ хандиваар босгож оролцох чиглэл баримталж байгаа. Энэ дагуу өнгөрсөн ням гарагт МАН-ын хандивын аяныг зарласан. Нам, эвслүүд цэвэр санхүүгийн эх үүсвэрээр өрсөлдөх ёстой. Энэ удаагийн сонгуульд МАН-аас уг зарчмыг баримталж оролцоно гэдгийг онцолсон юм.
Энэ талаар Сангийн дэд сайд Х.Булгантуяа “МАН-аас зарим өрсөлдөгч намуудтай адил нэр дэвших сонирхолтой хүмүүсээс мөнгө цуглуулах, дэнчин авах асуудал гаргахгүйгээр аль болох нэр цэвэр, мэдлэг туршлагатай хүмүүсийг нэр дэвшүүдж байгаа. Мэдээж нэр дэвшигчид өөрсдөө тодорхой санхүүжилтийг босгох үүднээс иргэд сонгогчдоосоо хандивын аяныг өрнүүлсэн.
Тэтгэврийн ахмадуудаас эхлээд намаа дэмжиж байна хэмээн 1000, 5000 төгрөг зэргийг хандивлаж байна. Энэ нь бидний хувьд сэтгэлийн маш том дэм болдог. Нөгөөтээгүүр, энэ нам ялах ёстой, ялсныхаа дараа зөв бодлогыг хэрэгжүүлэх ёстой гэсэн үүрэг даалгавар гэж ойлгодог.
Иргэдийн зүгээс шударга сонгууль байгаасай гэж хүсч байна. Гаднын улсад иргэд сонгогчид нь дэмжиж байгаа намынхаа хөтөлбөрийг өөрсдийн хөрөнгөөр хэвлэж, сурталчлах, үйл ажиллагаанд нь зөвлөлдөх зэрэг байдлаар оролцдог юм байна лээ. Өөрөөр хэлбэл, иргэний оролцоо байж ардчилал хөгждөг гэдгийг харуулж байгаа юм. Бид нэр дэвшигчдээ мөнгөнөөс хол байлгахын тулд иргэд нь оролцох ёстой гэж үздэг юм байна. Тиймэс бид энэ соёлыг нэвтрүүлэхээр ажиллаж байна.
Иргэд маань 1000, 10 мянган төгрөг гэлтгүй сэтгэлийн дэмжлэг үзүүлэхийг хүсч байна. Энэ нь бидэнд том тус болох юм” гэлээ.
А.Сүх
Сэтгэгдэл (2)