УОК-ийн УОК-ын өргөтгөсөн хуралдаан өнөөдөр Төрийн ордонд үргэлжилж байна. Энэ үеэр Ерөнхий сайд У.Хүрэлсүх цар тахлаас сэргийлэх бэлэн байдлыг шат бүртээ авч хэрэгжүүлэхийг анхааруулсан юм. Тэгвэл Шадар сайд Ө.Энхтүвшин үүссэн нөхцөл байдалтай ахолбогдуулан хөл хориог долдугаар сарын 1-нийг хүртэл үргэлжлүүлэх санал орууллаа.
Тэрбээр "ДЭМБ-аас цар тахал 216 улсыг хамарч, 5 сая гаруй хүн халдвар авсан гэдгийг мэдээлсэн. Дэлхийн 60 орчим улс онц байдал зарлаж, 50 орчим улс хөл хорио тогтоосон. Газарзүйн байрлал, цаг агаарын нөхцөл байдлаас үл хамаарч, жилийн дөрвөн улиралд халдвар тархах эрсдэлтэй байна. Залуучууд халдвар авах тохиолдол нь нэмэгдэж байна. ЭМЯ-наас коронавируст халдварын эрсдэлийн үнэлгээг найм дахь удаагаа хийхэд Монгол Улс өндөр эрсдэлтэй гэсэн дүгнэлт гарсан. Иймд хорио цээрийн дэглэмийг ирэх сарын 30 хүртэл сунгах санал гаргаж байна” гэлээ.
Түүний эл саналыг яг одоо өргөтгөсөн хуралдаанаар авч хэлэлцэж байна. Тодруулбал, хөл хориог сунгах шаардлагыг УОК-ын гишүүн, ОБЕГ-ын дарга, бригадын генерал Т.Бадрал танилцуулж байна.
Сэтгэгдэл (1)