Экс Ерөнхийлөгч Н.Энхбаярыг дагаж улс төрд орсон цагаасаа сөрөг хүчний байр суурийг сайтар хадгалж ирсэн хүн бол О.Баасанхүү гишүүн. Гэвч МАХН-аас буурь сэлгэж, АН-ын хаяа түшсэн цагаас нь түүний талаарх "но" ээлж дараагаараа илж болж түмний өмнө ил гарахад ч хэцүүхэн болсон гэхэд болно. ХамгийН сүүлд гэхэд Б.Хурц генералын "цэрэг" гэдгээ хүлээн зөвшөөрч, Эрдэнэ үйлдвэрийн захирал асан Т.Бадамжунай нараас 100 мянган ам.долларын дэмжлэг хүссэн нь ил болсон нь байдлыг улам л хурцатгасан. Уг асуудалтай холбогдуулан цахим орчинд түүн рүү дайрч давшлах үйлдэл гаарсан бололтой. 

Эл байдалд аргаа барсан О.Баасанхүү "бөөс" түүгч ажилд авах зараа цахим орчинд байршуулжээ. 

Тэрбээр "Бөөс түүгч ажилд авдаг юм билүү. Фэйсбүүкийн тролуд дийлдэхээ байлаа. Жиргээнд ч мөн адил. Тролудыг түүж, блок хийх ажил хийнэ. Харин цалин нь хэд байвал зүгээр вэ" гэж жиргэжээ. 

Түүний эл жиргээ цахим орчинд эрчээ авч "дэслэгч Баасанхүү генерал Б.Хурцаасаа цалингаа авчихаж" гэсэн сэтгэгдлээр дүүрэх болов.

Угтаа бол өмнөх, одоогийн парламентад О.Баасанхүү багагүй нэр хүндтэй байсан. Түүний хэлсэн үг, хийсэн үйлдэл нь оргүй байдгийг олон нийт зөвшөөрдөг байсан. Үүнийг ч түүний дэгдээсэн дуулиан бүр нь ямар нэг байдлаар нотлогдож, батлагдаж байсан. Гэвч АН-ын хаяа түшссэнээр улс төрийн карьертаа цэг тавихдаа хүргэв.  

Г.Эрдэнэ