Сонгогчдын гэрийн хаяг дээр хамааралгүй хүн нэмж бүртгэн сонгуулийн саналыг луйвардах оролдлого гаргаж байгаа талаар Чингэлтэй дүүрэгт бие даан нэр дэвшигч Д.Анхбаяр мэдээлэл хийлээ.

Тэрбээр “УИХ-ын сонгуулийн 25 дугаар тойрог Чингэлтэй дүүрэгт миний бие нэр дэвшиж байгаа билээ. Сонгууль бүрийн дараа сонгуульд оролцсон сонгогч, нэр дэвшигч, нам эвслээс тодорхой гомдол гаргаж маргаан үүсгэдэг ч хэрхэн шийдвэрлэсэн талаар мэдээлэл байдаггүй. Энэ удаад ч уг асуудал давтагдах нь.

Миний бие дөнгөж сая Х.Баттулгад шаардлага хүргүүлээд ирлээ. Миний нэр дэвшиж байгаа тойрог 44 хэсгийн хороотой. Хэсгийн хороо бүрт Х.Баттулгын нэр 44 удаа давхацсан байх магадлал үүсээд байна. Мөн 44 өөр хүний нэрийн өмнөөс очиж санал өгөх боломж харагдаад байна. Тиймээс хэсгийн хороонд байгаа сонгогчдын нэрийн жагсаалтыг МАН-аас бусад нэр дэвшигчдэд тэгш олгож шалгах, хянах боломж үүсгэхийг шаардаж байна.

Учир нь миний амьдардаг хаяг дээр насанд хүрсэн хоёр хүн бий. Гэтэл нэмээд хоёр хүн биччихсэн байна. Тодруулбал, 48 настай Алтансарнай, 33 настай Түвшинбаяр гэж хүн байна. Ийм баримт олдсон учраас энэ шаардлагыг хүргүүлж байна. Мөн эрх баригч МАН-ын 76 нэр дэвшигчдээс бусад 529 нэр дэвшигчдэд энэ уриалгыг хүргүүлнэ.

Хэрэв танай хаяг дээр явдаг царцаа бүртгэгдсэн байвал СЕХ-нд гомдол гаргаарай. Төрийн эрхийг хууль бусаар авах гэж байгаа энэ үйлдлийг таслан зогсоохыг иргэддээ уриалж байна” гэлээ.

А.Сүх