Хэдхэн хоногийн өмнө Дундговь, Говьсүмбэр аймагт Ардчилсан намаас нэр дэвшигч Б.Наранхүүг 700 мотоцикл тараахаар бэлтгэж байна гэх зураг бүхий мэдээлэл цахим орчинд тарсан билээ. Яг таг баттай мэдээлэл биш ч гэлээ, үүнийг нэр дэвшигч Б.Наранхүү үгүйсгэж “Миний мотоцикл биш. Би судлуулахад хамгаалалтын шугамаар ирсэн мотоцикл гэсэн” гэсэн тайлбарыг нэр бүхий хэвлэлд өгсөн байдаг.

Гэвч өнөөдөр Тагнуулын ерөнхий газар болон Цагдаагийн ерөнхий газраас хамтарсан мэдээлэл хийхдээ Дундговь аймагт нэр дэвшигч 300 мотоцикл тойрог дээрээ хадгалж байсан нь тогтоогдсон талаар мэдээллээ.

Эндээс үзвэл, Дундговь аймагт үнэхээр олон тооны мотоцикль тараахыг санаархсан байх нь.  Гагцхүү 300 мотоцикл тараахаар зэхсэн нэр дэвшигч хэн бэ. Б.Наранхүү юү, эсвэл....???

Уг асуудлыг цагдаа, тагнуулын байгууллагаас шалгаж байна. Хэрвээ гэмтэй этгээд илчлэгдвэл нэр дэвших боломжоо алдах нь дамжиггүй, цаашлаад Их хуралд сонгогдлоо ч парламентаас "хөөгдөх" нь тодорхой. Ямартай ч хуулийн байгууллагаас цахимд тархсан мэдээлэл оргүй гэдгийг баталчихлаа. Одоо хэргийн эзнийг олох л үлдэв. Дундговьчуудыг хахуульдах гэсэн эрхэм хэн бэ?.

Г.Нацаг