Өнөөдөр МАН-ын Бага хурал хуралдаж дараагийн Ерөнхий сайдыг сонгосон. Хуралдаанд оролцсон гишүүдийн олонхийн саналаар Ерөнхий сайд У.Хүрэлсүхийг улираахаар болсон. Уг саналыг өнөөдөр Ерөнхийлөгчид хүргүүлсэн юм.
Харин Засгийн газрын бүтэц бүрэлдэхүүнд сайд нар хэн болох вэ, хэнийг сонгох вэ гэдэг асуудал хүлээлт үүсгээд байна. Энэ талаар УИХ-ын гишүүн С.Ганбаатар “Засгийн газрын бүрэлдэхүүн, Ерөнхий сайдын асуудал дээр нэг л байр суурийг хэлнэ. Энэ бол эрх баригч намын асуудал.
Гэхдээ хэнийг сонгох нь бараг тодорхой болчихсон. Сөрөг хүчний хувь нарийн зүйл хэлэхээс илүү анхаараасай гэж үзэх ганц зүйл байна. Тухайлбал, шинэ Засгийн газар ямар зорилгоор ямар зорилтыг биелүүлэх гээд байгаа юм гэдгээ тодорхойл.
Цар тахлын улмаас эдийн засаг хүндэрсэн, уул уурхайн түүхий эдээ хятад, япон руу олигтой гаргаж чадахгүй байгаа үе. Яг энэ үед бид ямар шат дараалсан ажил хийх вэ. Шинээр ажлын байр бий болгохын тулд ямар алхам хийхтэйгээ уялдуулан сайдаа сонгоорой. Түүнээс биш ханцуйн доторх наймаагаа аргалахын тулд хүн сонговол утгаа алдана.
Миний хувьд 62-ын бүлэгтэй Засгийн газрын эрх мэдлийг давруулахгүйхэн шиг ажиллана. Тэд даварна. Мөнгөнд их дуртай. Үүнийг нь хазаарлаж, болохгүй зүйлийг нь хэлэх нь сөрөг хүчин бидний үүрэг” хэмээн онцолсон юм.
Б.Лхам
Сэтгэгдэл (2)