Монгол Улсын Ерөнхий сайд У.Хүрэлсүх, УИХ-ын даргаар Г.Занданшатар нарыг улираасан нь Монголын улс төрийн онцлох түүхэн мөч байв. Парламентийн түүх тод мөртэй байх шанг татсан У.Хүрэлсүх сайд өнгөрсөн долоо хоногт Засгийн бүтцийг Ерөнхийлөгч Х.Баттулгад хүргүүлсэн мэдээлэл ил болсон. Уг асуудалтай зэрэгцэн сайдын суудалд тухлах горьлогчдын марафон эхэлсэн юм. Монгол Улсын Засгийн газрын бүтцийн тухай хуульд зааснаар ерөнхий чиг үүргийн яамдад Гадаад харилцааны яам, Сангийн яам, Хууль зүй, дотоод хэргийн яам, Батлан хамгаалах яам, Байгаль орчин, аялал жуучлалын яам, Хөдөлмөр, нийгмийн хамгааллын яам багтдаг.
Харин Барилга, хот байгуулалтын яам, Боловсрол, Соёл, шинжлэх ухаан, спортын яам, Зам, тээврийн хөгжлийн яам, Уул уурхай, хүнд үйлдвэрийн яам, Хүнс, хөдөө аж ахуй, хөнгөн үйлдвэрийн яам, Эрчим хүчний яам, Эрүүл мэндийн яам нь чиглэлийн яамд байна гэж заасан байдаг.
Эдгээрээс гадна МАН-ын мөрийн хөтөлбөрт Соёлын яамдын шинээр байгуулахаар тусгасан бол Хөгжлийн яамыг шинээр байгуулах шуум хэдийнэ тараад амжсан.
Ингээд үзвэл, энэ парламент нийт 15, эс бөгөөс түүнээс бага тоотой яамдтай үйл ажиллагаа явуулах зураглал байна.
Ерөнхий сайд У.Хүрэлсүхийн хувьд Үндсэн хуулийн нэмэлт, өөрчлөлтөөр Засгийн газрын гишүүний дөрвөөс илүүгүйг УИХ-аас томилуулах эрх нь нээлттэй. Гэвч намын Бага хурлын үеэр 1-2 сайдыг танхимдаа улираахаа мэдэгдсэн. Хэрвээ түүний хэлснээр болбол, үлдсэн сайдуудын хувьд “дан дээл”-тэй буюу парламентын гаднаас томилогдоно.
Өөрөөр хэлбэл, Засгийн газрын бүрэлдэхүүн парламентаас хараат бусаар ажиллах бас нэг хөшүүргэ Үндсэн хуулийн нэмэлт, өөрчлөлтөөр бий болсны бодит үр дүн нь энэ юм.
Уг асуудалтай зэрэгцэн Байнгын хорооны дарга нараар хэн, хэн томилогдох бэ гэсэн асуулт эзэнгүй хэвээр байсаар байна. Өнөөдөр бүлгийн хуралдаан болно. Үүгээр сайд нарын асуудлыг хэлэлцэж, дэнсэлнэ. Харин маргааш буюу энэ сарын 7-нд байнгын хороод хуралдаж, хурал даргалагч нараа дундаасаа томилонгуут сайдын нарын асуудлыг Ерөнхий сайд У.Хүрэлсүх танилцуулах учиртай.
Хэдий процесс ингэж үргэлжлэх учиртай сайд нарын нэрс хэдийнэ тодорсон гэх шуум. Түүгээр зогсохгүй У.Хүрэлсүхийн Засгийн газрын бүтэц хэдийнэ тодорхой болсон гэх нь ч бий.
Г.Маргад
Сэтгэгдэл (2)