УИХ-ын Анхдугаар чуулган үргэлжилж байна. Энэ үеэр салбарын сайдуудад нэр дэвшигч нараас УИХ-ын гишүүд асуулт асууж, хариулт авч байна. Ингээд тоймлон хүргэе.

УИХ-ын гишүүн Т.Доржханд: Шадар сайд нэр дэвшигч Я.Содбаатар гадаадад гацсан иргэдээ хэрхэн татан авч ирэх вэ?. ХЗДХ-ийн сайдад нэр дэвшигч Х.Нямбаатар танд авлигатай тэмцсэн бодитой тэмцсэн жишээ байна уу?. Та болон танай намын гишүүд энэ төрлийн гэмт хэрэгтэй холбогдвол та яах вэ?.

Гадаад харилцааны сайдад нэр дэвшигч Н.Энхтайван Шанхайн хамтын ажиллагаанд элсэх асуудлаар ямар байр суурьтай байна вэ?

Хариулт: 

Шадар сайд нэр дэвшигч Я.Содбаатар: Цар тахлын үед гадаадад гацсан иргэдээ татан авах ажлыг шат дараатай зохион байгуулж байна. Дэлхий нийтэд 11 сая гаруй иргэн халдвар авсан. Манай улсад 227 тохиолдол батлагдсан. Гадаадаас нийт 32 тусгай үүргийн онгоцоор иргэдээ татан авсан.

ХЗДХ-ийн сайдад нэр дэвшигч Х.Нямбаатар: Та АТГ-ын чиг үүрэгтэй холбоотой асуулт асуулаа. Ер нь бүтэц, бүрэлдэхүүнийг шинэчлэх ажил хийнэ. 2017 оны Эрүүгийн хуулийн хөөн хэлэлцэх хугацаагаар хаагдсан бүх хэргийг эргүүлж сэргээх хуулийг энэ оны нэгдүгээр сард баталсан. Энэ дагуу прокуророос хэргүүдийг сэргээж, шалгаж, шүүхэд шилжүүлэх проуесс үргэлжилж байна. Авлига албан тушаалын хэрэгт оногдуулах ял шийтгэлийг чангатгана.

Гадаад харилцааны сайдад нэр дэвшигч Н.Энхтайван: Монгол Улс ШХАБ-т ажиглагчийн статустайгаар 2006 онд элсэн орсон. Монгол Улс шат ахих судалгааг хийж байгаа гэдгийг дараа нь мэдэгдсэн. Хэрвээ би сайд болбол, Гадаад харилцааны яаманд ШХАБ-ын асуудал хариуцсан нэгж байгуулна. Үүний дараа нэгдсэн хариулт өгье.

Г.Маргад