Байгаль орчин, аялал жуулчлалын сайдаар томилогдсон Д.Сарангэрэл нэгэн уриалга гаргажээ. Тэрбээр “Та бүхэндээ өглөөний мэнд хүргэе. Хөдөө орон нутагт ажиллаад ирлээ. Хур бороотой, зүлэг ногоо, цэцэг навч дэлгэрээд зуншлага сайхан байна. Монголчууд маань эх орноороо аялах дуртай. Тэр тусмаа дэлхий даяар коронавирус тархсан нь дотоодын аялал жуулчлалыг улам бүр нэмэгдүүлжээ. Дэлхийн 216 улс орон, нутаг дэвсгэрийг хамарсан коронавирусээр өвдсөн хүний тоо унтаад босоод ирэхэд л 15 саяд хүрч, хорвоог орхисон нь 620 гаруй мянга болжээ. Хүн амын дунд халдвар гараагүй болохоор бид харьцангуй чөлөөтэй, хүссэн газраа хөл тавьж байна. Харин энэ сайхан эрх чөлөөгөө эдлэхдээ эх байгалиа хайрлаж хамгаалахаа мартаад байна. БҮГДЭЭРЭЭ ХОГГҮЙ САЙХАН АЯЛЦГААЯ !!! Энэтхэгийн элчин сайд, гэр бүлтэйгээ бидэнтэй хөдөө явсан . Эхнэр нь бусдын хаясан хогийг түүгээд л байх юм. Санаа их зовлоо. Бүгдээрээ гадны хүмүүсээс дутуу эх нутгаа хайрлана гэж үү дээ" гэжээ.

Д.Сарангэрэл сайдын хувьд өмнө нь Эрүүл мэндийн яамны бодлогыг тодорхойлж байсан туршлагатай нэгэн.

С.Сүлд