Өнгөрөгч долоо хоногт цахим сүлжээгээр гадаадад гацсан иргэдээ авчрахдаа авлига нэхдэг, төрийн томоохон албан тушаалтнууд өөрсдийн хамаарал бүхий этгээдээ авчруулдаг зэрэг асуудал хөндөгдсөн.

Тэгвэл үүнтэй холбоотой асуудлаар УИХ-ын гишүүн С.Одонтуяа АТГ-д ханджээ. Тэрбээр “УОК-оос эх орондоо ирэх иргэдийн нэрсийг гаргахдаа авлига нэхсэн талаар гомдол, өргөдлүүдийг Иргэний онцгой комисст хүргүүлсээр байна.

Тиймээс танай байгууллага дээрх асуудалд шалгалт явуулан, тодорхой арга хэмжээ авч, хэрхэн ажиллаж байгаа тухайгаа хариу албан бичгээр хүргүүлнэ үү” гэжээ.

Түүнчлэн өнгөрсөн пүрэв гарагт УИХ-ын гишүүн Т.Доржханд дээрх асуудалд Шадар сайд Я.Содбаатарыг тайлбар өгөхийг шаардаж, гадаад улсад гацсан байгаа иргэдийг эх оронд нь эгүүлэн авчрах үйл ажиллагааг ил тод, тэгш, хүртээмжтэй, шуурхай, хариуцлагатай, зохион явуулах талаар асуулга хүргүүлсэн билээ.

А.Сүх