УИХ-ын ээлжит бус чуулган хуралдаж байна. Өнөөдрийн чуулганаар төсвийн тодотгол хийх асуудлыг хэлэлцэж буй юм. Хэлэлцэж буй асуудалтай холбогдуулан УИХ-ын гишүүд асуулт асууж хариулт авч байна. 

С.Одонтуяа: Түүхэнд байгаа их хэмжээний алдагдалтай төсөв батлах гэж байна. Бүх зүйлийн бурууг коронавирус рүү чихэж болохгүй. Өмнө нь төсөв тодотгох ёстой гэхэд сонгуулийн өмнө зориудаар тодотгол хийхээс татгалзсан. Дээр нь ямар ч тооцоололгүй төсөв баталсан. Тиймээс Сангийн сайдын зүгээс ард иргэдийн тоонд төсвөө уялдуулж баталдаг баймаар байна. Бага насны хүүхдийг цэцэрлэгт яагаад хамруулахгүй гэж байгаа юм бэ.

Ч.Хүрэлбаатар: Бид сургууль, цэцэрлэг гэж ангилж ялгалгүй шаардлагатай гэсэн бүх зүйлдээ хөрөнгө оруулалт хийх ёстой. Асуудалд бодитоор хандмаар байна. 

Ажлын хэсэг: Томуугийн үед 0-3 насны хүүхдүүд хамгийн ихээр өвчилдөг. Хоёр хүртэл насны хүүхдийн олонх нь цэцэрлэгт явж эхэлснээс хойшхи хоёр сарын хугацаанд томуугийн халдвар авдаг нь судалгаагаар гарсан. Тиймээс хоёр настай хүүхдүүдийг гэрээр хүмүүжих боломжийг нээж өгөх ёстой гэж үзсэн. 

С.Одонтуяа: Цэцэрлэг бол сургуулийн өмнөх боловссрол. Цэцэрлэгт хамрагдахаас өмнөх насны хүүхдүүдийн асуудал маш чухал байна. Аюулгүй байдлыг яаж хангах юм бэ.

Д.Ганбат: Ядуурлын түвшин нэмэгдэж байна. Бид ядуустаа анхаараад байх юм. Гэтэл улс орны хөгжил дундаж давхарга дээрээ дөрөөлж урагшилдаг. Ипотекийн зээлийг ядаж таван хувьд барьж чадахгүй гэж үү. Юм ярихаар хүүхдийн мөнгө нэмсэн, коронвирус барьсан гэх юм. Баянхонгор аймагт өвөлжилт хүндрэх нь. Зуншлага муу гарсан. Энэ бүхнийг яаж давах вэ. Гадаадад монголчууд байна. Татан авах ажиллагаа удаашралтай байна. Татан авахдаа авлига өгч авалцдаг бололтой юм6

Ч.Хүрэлбаатар: Төсөв тодотгосноороо улсын төсөв сайжирдаг юм бол сар болгон төсвөө тодотгоод байя. Д.Ганбат гишүүнээ зөв ярих хэрэгтэй.