УИХ-ын ээлжит бус чуулганы хуралдаан Төсвийн тодотголоор үргэлжилж байна. Энэ үеэр гишүүд үг хэлж, асуулт асуусныг хүргэе.

С.Одонтуяа: Түүхэнд байгаагүй хэмжээний алдагдалтай төсвийг батлах гэж байна. Эргээд ард түмний нурун дээр өр ирнэ. Бүх зүйлийг ковид руу чиглүүлэх хэрэггүй. Бид маш олон удаа хэлсэн. Бусад орон бүгдээрээ төсвөө тодотгоод байна гэхэд бид мэдэж байна, болно гээд л байсан. Сонгуультай холбоотой гэдгийг бид бүгдээрээ мэдэж байсан. Дээр нь ямар ч тооцоололгүй хөрөнгө оруулалт тавьсан. Тухайлбал, музей болон бусад барилга байна. Анх баталсан төсвөөр Хэнтий аймагт 1.2 сая байсан бол Баянгол аймаг 200 мянган төгрөг оногдож байсан. Хүн амаа харж байж төсвөө хиймээр байна.

Ордны хажууд байсан музейг хэдэн тэрбум төгрөгөөр нураах шаардлага байсан юм уу. Төсөв өргөн барих бүрд Төсвийн тогтвортой байдлын тухай хууль алдагдаж байна. Ингэж дураараа байх юм бол энэ хуулийг аваад хаячих. Дээр нь ажлын байр их чухал байна. Хоёр насны хүүхдийг цэцэрлэгт авахгүй гэсэн. Тэгвэл хүүхдүүдээ хаана харуулж, ажлын байртай болох вэ. Хүүхэд харах үйлчилгээнд хэдэн төгрөг төсөвлөсөн юм бэ. Энэ жижиг асуудал биш шүү. Иргэдийг ажилтай болгох гол хөшүүрэг шүү.

Ч.Хүрэлбаатар: Хүн амын нягтаршлаар нь бүх хөрөнгө оруулалтын асуудлаа шийднэ гэж болохгүй. Тэгэхээр хүссэн хүсээгүй хөгжлийн бодлого явагдана. Үр ашиггүй алдаатай зүйл төсөвт гардаг нь үнэн. Гэхдээ аль болох бууруулж явах нь зөв гэж харж байна. Санаатайгаар юм хийгээгүй. Ковид эдийн засагт дан ганц нөлөөлөөд байгаа юм биш гээд л ярих юм. Дэлхийн том орнуудыг хөдөлгөж байна шүү дээ. Бид чадахаараа арга хэмжээ авч байна. Нэг асуудлыг үгүйсгэж нөгөөг нь дэмжих нь буруу. Хийх ёстой асуудлаа ач холбогдлоор нь ангилж үзэх нь зөв. Зарим газар очиж үзэхээр эмнэлэг, заримд нь цэцэрлэг, зам хамгийн чухал байдаг. Асуудалд бодитой хандах ёстой.

Б.Лхам