УИХ-ын ээлжит бус чуулганаар Төсвийн тодотголыг хэлэлцэж байна. Энэ үеэр УИХ-ын гишүүн Б.Пүрэвдорж үг хэлэхдээ эрх баригчдад шүүмжлэлтэй хандсан юм. Түүний эл хариуд Сангийн сайд Ч.Хүрэлбаатар холбогдох хариуг өгч, тоо баримттай ярихыг сануулсан. Харин Ж.Мөнхбат гишүүн байр сууриа илэрхийлэх үеэр Б.Пүрэвдорж гишүүн босч ирж, чуулганы нэгдсэн хуралдааныг "үймүүлэв".

Үүнтэй холбогдуулж хуралдаан даргалагч УИХ-ын дэд дарга Т.Аюурсайхан сануулга өгч, Б.Пүрэвдорж гишүүний чуулганы нэгдсэн хуралдаанд оролцох эрхийг долоо хоногоор хасч буйгаа илэрхийлсэн юм.

Чуулганы Дэгийн тухай хуульд оруулсан нэмэлт, өөрчлөлтөд хуралдааны дэг зөрчсөн тохиолдолд даргалагчийн зүгээс сануулга өгөхөөс гадна Байнгын хороо, чуулганы нэгдсэн хуралдаанд оролцох эрхийг нь хасах эрхтэй болсон байдаг.